काठमाण्डौ । कामना सेवा विकास बैंक लि. र सिद्धार्थ बैंक लि.का बीच विप्रेषण सम्बन्धी कारोबारको लागि  एक अर्काको प्रतिनिधि भई सहकार्य गर्ने गरी सम्झौता सम्प्।न्न भएको छ । यस सम्झौता पछि ग्राहकहरुले अझै सहजरुपले विप्र्रेषण सम्बन्धी सेवा लिन सक्ने र बैंकको व्यवसाय विस्तारमा पनि सहयोग  पुग्ने दुवै बैंकले विश्वास लिएका छन् । 

कामना सेवाका  तर्फबाट  डिपोजिट तथा ट्रान्जेक्सन बैकिङ प्रमुख सुवास भट्टराई  तथा  सिद्धार्थ बैंकका तर्फबाट  विप्रेषण विभाग प्रमुख पंकज पन्तले  सम्झौता पत्रमा  हस्ताक्षर गरेका हुन् ।

“प्रगतिको आधार कामना सेवा सँग कारोबार” भन्ने मुल नाराका साथ आम जनता माझ विभिन्न बैैकिङ सुविधा प्रदान गर्दै आइरहेको कामना सेवा विकास बैंकले   देशका विभिन्न भागहरुमा १२४ वटा शाखा तथा ६६ वटा एटीएम मार्फत ग्राहकहरुलाई आफनो सेवा तथा सुविधाहरु प्रदान गर्दै आएको छ ।