कोभिड–१९ को महामारीविरुद्ध लड्न एडीबीद्वारा नेपाललाई ३६ करोड अनुदान

काठमाण्डौ। एशियाली विकास बैंक (एडीबी) ले कोभिड–१९ को महामारीविरुद्ध लड्न नेपाल सरकारलाई रु ३६ करोड अनुदानस्वरुप उपलब्ध गराउने भएको छ।

एडीबीले एशिया–प्रशान्त विपद् प्रतिकार्य कोषबाट मंगलबार राति नेपाललाई उक्त रकम उपलब्ध गराउने स्वीकृति गरेको यहाँस्थित उक्त बैंकको देशीय कार्यालयले जनाएको छ।

जापान सरकारद्वारा कोषमा दाखिला भएको उक्त रकम सीमाक्षेत्रस्थित क्वारेन्टिनको सुधार तथा प्रभावकारी व्यवस्थापन, प्रयोगशाला र चिकित्सा उपकरण, औषधि एवं सङ्क्रमण नियन्त्रण सामग्री खरिदका निम्ति प्रदान गरिएको हो। 

यसअघि पनि एडीबीले रु तीन करोड ६० लाख स्वास्थ्यकर्मी तथा कोरोनाविरुद्ध अग्रपङ्क्तिमा रहेर खटिएकाहरुलाई आपत्कालीन स्वास्थ्य सामग्री खरिद गर्न प्रदान गरेको थियो।

RSS

 

---