काठमाण्डौ । छ्याङ्दी हाइड्रोपावर लिमीटेडले जेठ १४ गतेदेखि ५ करोड ४० लाख मूल्यको आइपीओ जारी गर्ने भएको छ । 

यो जलविद्युत कम्पनीले सर्वसाधारणका लागि १ सय रुपैयाँ दरका कुल ५ लाख ४० हजार सेयरको प्राथमिक निश्कासन गर्ने भएको हो । 

जलविद्युत कम्पनीले प्रकाशित गरेको एक सूचनाअनुसार आइपीओमा जेठ १८ गतेसम्म आवेदन दिन सकिनेछ । त्यसबेला समेत मागअनुसार आवेदन नपरे आवेदन दिने अधिकतम मिति जेठ २८ गतेलाई तोकिएको छ। 

इच्छुक लगानीकर्ताले न्यूनतम ५० कित्तादेखि अधिकतम २ हजार ७ सय कित्तासम्मका लागि आवेदन दिन सक्नेछन् । 

यो कम्पनीको आइपीओ बिक्री प्रबन्धकको काम ग्लोबल आइएमई क्यापिटल लिमीटेडले गर्नेछ । 

यो जलविद्युत कम्पनीले १० हजार ८ सय कित्ता आफ्ना कर्मचारीका लागि, २७ हजार कित्ता १० वटा म्युुचुुअल फण्डहरुका लागि र बाँकी सर्वसाधारणका लागि छुट्याएको छ । 

यो कम्पनीको अधिकृत पूँजी ५० करोड रुपैयाँ रहेको छ । हाल यो कम्पनीको चुक्तापुँजी २१ करोड ६० लाख रुपैयाँ रहेको छ । आइपीओ बाँडफाँडपछि कम्पनीको चुक्तापुँजी २७ करोड पुुग्नेछ । 

हालै, छ्याङ्दी हाइड्रोपावर कम्पनीले २ करोड ७० लाख मूल्य बराबरको आइपीओ आयोजना प्रभावित लमजुङका स्थानीयका लागि जारी गरेको थियो । 

आइपीओपछि संस्थापक, आयोजना प्रभावित क्षेत्रका बासिन्दा र सर्वसाधारणको कम्पनीमा सेयर स्वामित्व संरचना ७०ः१०ः२० मा रुपान्तरण हुनेछ । 

इक्रा नेपालले यो कम्पनीको आइपीओलाई ‘ग्रेड फोर’को रेटिङ प्रदान गरेको छ । 

यो कम्पनीले लमजुङ जिल्लामा हाल २ मेगावाटको चण्डी खोला जलविद्युत आयोजना निर्माण गरिरहेको छ । 

कहाँ–कहाँबाट दिने आवेदन ?
१.ग्लोबल आइएमई क्यापिटल लिमीटेड, जमल काठमाण्डौ ।सम्पर्क: ०१-४२२२४६०
२.छ्याङ्दी हाइड्रोपावर लिमीटेड, गौरीधारा काठमाण्डौ । सम्पर्क: ०१४४२६४८३
३.ग्लोबल आइएमई बैंकका शाखा कार्यालयहरु । सम्पर्क:०१-४४४६१५०
४.काठमाण्डौ क्यापिटल मार्केट लिमीटेड, काठमाण्डौ प्लाजा, काठमाण्डौ । सम्पर्क:९८५१०८५०१०
५.प्रभू क्यापिटल लिमीटेड, कमलादी काठमाण्डौ । सम्पर्क:०१-४२२२३९३
६.जनरल फाइनान्स लिमीटेडका शाखा कार्यालयहरु चावहिल र न्यूरोड काठमाण्डौ । सम्पर्क:९८४००५५०२३
७.रिलायवल क्यापिटल लिमीटेड, सुन्धारा काठमाण्डौ । सम्पर्क:९८५११८७०६०
८.एनसिएम मर्चेन्ट बैकिङ लिमीटेड, कमलपोखरी काठमाण्डौ । सम्पर्क:०१-४४२८५५०
९.एनआइसी एशिया क्यापिटल लिमीटेड, बबरमहल काठमाण्डौ । सम्पर्क:९८५११९३४७१
१०.सानिमा क्यापिटल लिमीटेड, नक्साल काठमाण्डौ । सम्पर्क:९८४९५०५६९६
११.सिभिल क्यापिटल मार्केट लिमीटेड, कमलादी काठमाण्डौ । सम्पर्क:९८५२०५३२२२
१२.भिबोर क्यापिटल लिमीटेड, पुल्चोक ललितपुर । सम्पर्क:०१-५५५४७९३
१३. नेपाल धितोपत्र बोर्डबाट अनुमतिप्राप्त गरी आस्वा  सेवामा सहभागी बैंक तथा बित्तीय संस्थाहरु र तिनका शाखाहरु ।