_New.gif)
.gif)
.png)
सप्तरी । हिमालयन लघुवित्त वित्तीय संस्थाको सप्तरीस्थित खरचुहिया शाखा कार्यालयले आफ्नो एक सदस्यको मृत्युपछि उनका पतिलाई बीमाको क्षतिपूर्ति बापतको रकम उपलब्ध गराएको छ ।
सो शाखा कार्यालयकी सदस्य अनुकुमारी चौधरीको निधनपछि उनका पति रामकिसुन चौधरीलाई हिमालयन लघुवित्तले बीमा दाबी रकमबापत १ लाख ५० हजार रुपैयाँ भुक्तानी गरेको हो।
सप्तरी जिल्ला शम्भुनाथ नगरपालीका वडा नं.८ बैरीयाही टोलमा रहेको केन्द्र नं. ५३ कि सदस्य अनुकुमारी चौधरीले हिमालयन लघुवित्तबाट १ लाख २५ हजार रुपैयाँ कर्जा लिएकी थिईन । सदस्यको मृत्यू पश्चात संस्थाको नियमानुसार कर्जाको साँवा र ब्याज मिनाहा हुनेगरी कर्जा बीमा गरिएको छ । त्यही सुविधाअन्तर्गत बीमितको मृत्यू पश्चात दिइने काजक्रिया खर्च रु २५ हजार रुपैंयाँ र सम्पूर्ण सावा ब्याज तिरिसकेको हुनाले बीमाङ्क रकम १ लाख २५ हजार र काजकिरिया खर्च रु २५ हजार गरी कुल रकम रु १ लाख ५० हजार मृतकका पतिलाई उपलब्ध गराइएको सो शाखाले जनाएको छ ।
सो केन्द्र बैठकमै पुगी केन्द्र प्रमुखको अध्यक्षतामा १ लाख ५० हजार रकम एकमुष्ट भुक्तानी गरेको संस्थाका शाखा प्रबन्धक महेशप्रसाद चौधरीले जानकारी दिए ।
संस्थाले दुःखको समयमा सहयोग स्वरुप रकम उपलब्ध गराएकोमा केन्द्रका सदस्यहरुले आभार व्यक्त गरेका थिए ।
कार्यक्रममा शाखाको तर्फबाट शाखा प्रबन्धक, चौधरी र केन्द्रका संचालक राम सोगारथ राय यादव लगायतको उपस्थिति थियो
.png)
.gif)
