Nabil Bank Limited
Nabil Bank Limited
Bizshala

सेयर बजारमा गिरावट आउँदा एनआइसी एशियाका म्युचुअल फण्डहरुको न्याभ घट्यो, सेयरमा कुनको कति लगानी ?

Global IME Bank Limited
सेयर बजारमा गिरावट आउँदा एनआइसी एशियाका म्युचुअल फण्डहरुको न्याभ घट्यो, सेयरमा कुनको कति लगानी ?
Nabil Bank Limited

काठमाण्डौ । एनआईसी एशिया क्यापिटल लिमिटेडद्वारा सञ्चालित म्युचुअल फण्डहरुको माघ महिनामा प्रतिइकाई खुद सम्पत्तिको मूल्य (न्याभ) र खुद नाफा घट्न पुगेको छ ।  

क्यापिटलको व्यवस्थापनमा सञ्चालित एनआइसी एशिया ग्रोथ, एनआइसी एशिया ब्यालेन्स्ड फण्ड, एनआईसी एशिया सेलेक्ट–३०, एनआइसी एशिया फ्लेक्सी क्याप फण्डको र एनआइसी एशिया ग्रोथ फण्ड–२ को न्याभ घटेको छ ।  

एनआइसी एशिया क्यापिटलको व्यवस्थापनमा ६ वटा म्युचुअल फण्डहरु सञ्चालित छन् । सो मध्ये एनआइसी एशिया डायनामिक डेब्ट फण्डको भने माघ महिनामा न्याभ र नाफा वृद्धि भएको छ ।  

माघ महिनामा सेयरबजारमा उतारचढाव देखिँदा फण्डहरुको न्याभ घट्न पुगेको क्यापिटलले जनाएको छ । पुस महिनामा सेयरबजारमा एकाएक सुधार देखिँदा क्यापिटलका सबै फण्डहरुको न्याभ बढ्न पुगेको थियो ।  

Shivam Cement
Sagarmatha Cement
Muktinath Bikas Bank Limited

फण्डहरुले नाफासँगै लगानी पनि बढाएका थिए । तर माघ महिनाको अन्तिमतिर सेयरबजार घट्न पुग्दा म्युचुअल फण्डहरुको न्याभ, कुल नाफा र सूचीकृत सेयरमा लगानी पनि घट्न पुगेको एनआइसी एशिया क्यापिटलका सीओओ प्रज्ञरत्न शाक्यले बताए ।  

सबैभन्दा बढी एनआइसी एशिया ग्रोथ फण्डको न्याभ १९ पैसाले घटेर ११ रुपैयाँ कायम भएको छ । पुस महिनामा उक्त फण्डको न्याभ ११.१९ रुपैयाँ थियो । त्यस्तै, न्याभ घट्दा यता खुद नाफा पनि १६.८२ प्रतिशतले घटेर ७ करोड ८९ लाख रुपैयाँ कायम भएको छ । फण्डले सूचीकृत सेयरमा लगानी २.१९ प्रतिशतले घटाएर माघ महिनामा ६१ करोड ६२ लाख रुपैयाँ लगानी गरेको छ । अघिल्लो महिना फण्डले ६३ करोड रुपैयाँ लगानी गरेको थियो ।  

त्यस्तै, एनआइसी एशिया ब्यालेन्स्ड फण्डको न्याभ ११ पैसाले घटेर १०.५४ रुपैयाँ कायम भएको छ । अघिल्लो महिना फण्डको न्याभ १०.६५ रुपैयाँ थियो । यता एनआइसी एशिया सेलेक्ट–३० इन्डेक्स फण्डको पनि १५ पैसाले घटेर ११.१० रुपैयाँ कायम भएको छ । पुसमा उक्त फण्डको न्याभ ११.२५ रुपैयाँ थियो ।  

यसका साथै एनआइसी एशिया फ्लेक्सी क्याप फण्डको पनि १३ पैसाले न्याभ घटेको छ । पुस महिनामा ११.१३ रुपैयाँ रहेको न्याभ घटेर माघ महिनामा ११ रुपैयाँ कायम भएको छ ।  

त्यस्तै, एनआइसी एशिया डायनामिक डेब्ट फण्डको न्याभ भने ०.०५ रुपैयाँले बढेर १०.७७ रुपैयाँ पुगेको छ । अघिल्लो महिना उक्त फण्डको न्याभ १०.७२ रुपैयाँ थियो । यता खुद नाफा पनि ७.९५ प्रतिशतले बढेर ४ करोड २८ लाख रुपैयाँ पुगेको छ । तर यो फण्डले पनि माघ महिनामा सूचीकृत सेयरमा लगानी ०.१४ प्रतिशतले घटाएको छ ।  

यता एनआइसी एशिया ग्रोथ फण्ड–२ को घाटा भने झनै चुलिएको छ । पुस महिनाको तुलनामा सो फण्डको न्याभ ०.०५ रुपैयाँले घटेर ९.९३ रुपैयाँ कायम भएको छ, भने २४७ प्रतिशतले घाटा चुलिएर ६३ लाख रुपैयाँ नोक्सानी ब्यहोरेको छ । तर फण्डले माघमा भने लगानी २५.५५ प्रतिशतले बढाएर २६ करोड रुपैयाँ लगानी गरेको छ ।


Nepal Investment Mega Bank Limited
New Office
Mahalaxmi Development Bank
Shikhar Insurance
IME remit

हाम्रो बारेमा

Bizshala.com is a leading financial news portal of Nepal run by SOS Media Pvt Ltd. It especially covers the economy, capital market, real estate, banks and financial institutions, merchant banks and various investment tools, insurance market, tourism, auto industry and other fresh and investigative news. Bizshala, which succeeded in becoming the country's leading economic news portal within a short period of its establishment, has the involvement of experienced and seasoned journalists in the financial field. We believe in investigative, factual and innovative news. We look at every news that the reader is interested in from an economic point of view.