Nabil Bank Limited
Nabil Bank Limited
Bizshala

६ दिनपछि नेप्सेमा दोहोरो अंकको वृद्धि, कारोबारमा भने संकुचन

Global IME Bank Limited
६ दिनपछि नेप्सेमा दोहोरो अंकको वृद्धि, कारोबारमा भने संकुचन
Nabil Bank Limited

काठमाण्डौ । ६ दिन लगातार घटेको बजारमा आज दोहोरो अंकको सुधार आएको छ । साताको दोस्रो कारोबार दिन आज नेपाल स्टक एक्सचेञ्च(नेप्से) १२.२९ अंक अर्थात ०.६२ प्रतिशतले बढेर १ हजार ९९१.३१ बिन्दुमा पुगेको छ ।

यो दिन बलिया र राम्रा कम्पनीको मापक सेन्सेटिभ इन्डेक्स पनि ०.५१ प्रतिशतले बढेर  ३५५.६६ विन्दुमा पुगेको छ । यो दिन नेप्सेमा सूचीकृत मध्ये ३१४ वटा कम्पनीको ५८ लाख ५८ हजार ६६३ कित्ता सेयर १ अर्ब ९६ करोड ४४ लाख रुपैयाँभन्दा बढीको कारोबार भएको  छ ।

आजको बजारबारे बजार जानकार अजयसिंह थापा(जयशम्भु)भन्छन्,‘आज बिक्रीकर्ता पछि हट्दा र लगानीकर्ताले घाटामा सस्तो मूल्यमा सेयर बेच्न नचाहदा अन्तिम समय बजार सम्हालिन पुगेको छ । अघिल्लो दिन ठूलो गिरावट आएको बजारमा आज रिभर्सल प्रकृतिको क्यान्डल बनेको छ ।’ आज बिक्रीकर्ता पछि हट्दा कारोबार घटेको थापाले बताए ।  

Shivam Cement
Sagarmatha Cement
Muktinath Bikas Bank Limited

अर्का बजार जानकार नयन बाँस्तोलाले पनि लगातार घटेको बजारमा आज खरिदकर्ता हावी हुँदा बजार बढेको बताए । बजार धेरै घटेका कारण लगानीकर्ताले सस्तोमा सेयर बेच्न नचाएको उनले बताए । ‘प्राविधिक रुपमा पनि आज बजार सपोर्ट विन्दु  फिवोनासीको ०.६१ प्रतिशतबाट बजार फर्केको छ । लगातार ६ दिन घटेको बजारमा आज सम्हालिनु राम्रो पक्ष हो । अहिले बजार घट्नु पर्ने खासै केही कारण छैन । ब्याजदर घट्दो अबस्थामा छ ।’ उनले भने ।  

 यो दिन नेप्सेमा सूचीकृत १३ वटा समूहमध्ये ३ वटा समूहबाहेक अन्य सबै समूहमा हरियाली छाएको छ । आज उत्पादन तथा प्रशोधन समूहमा सबैभन्दा धेरै वृद्धि देखियो । यो समूह २.५१ प्रतिशतले बढ्यो ।  

त्यस्तै आज बैंकिङ समूह ०.२०,विकास बैंक ०.५४,होटल १.४५,हाईड्रो १.३६, लगानी ०.९६, जीवन बीमा ०.३१,निर्जीवन बीमा ०.२२,अन्य ०.७५ र लगानी समुह १.३४ प्रतिशतले बढे ।  

यो दिन वित्त समूह ०.२५ प्रतिशत,लघुवित्त ०.०६ प्रतिशत र म्युचुअल फण्ड समूह ०.२१ प्रतिशतले घटे ।  

धेरै कारोबार गर्ने कम्पनीहरु

आज सोनापुर मिनरल्सको सर्वाधिक सेयर कारोबार भएको छ । आज यो कम्पनीको ९ करोड ७१ लाख बढीको सेयर कारोबार भएको छ । कारोकार धेरै गर्नेको सूचीमा ७ करोड ५० लाखसहित हिमालयन रि इन्स्योरेन्स दोस्रो स्थानमा रहेको छ । शिवम सिमेन्टको ६ करोड ६७ लाख,गोर्खाज फाइनान्सको ६ करोड २६ लाख र सन नेपाल लाइफको ६ करोड १८ लाख बढीको कारोबार भएको छ ।  

धरै कमाउने र गुमाउने कम्पनीहरु

आज बोटलर्स नेपाल(बालाजु)का सेयरधनीले सर्वाधिक कमाएका छन् । यो कम्पनीको सेयरमूल्य १० प्रतिशतले बढ्यो । मनकामना स्मार्ट लघुवित्तको सेयरमूल्य ८.१६ प्रतिशतले बढेको आज नेपाल वेयरहाउजिङको सेयरमूल्य ७.६५ प्रतिशत,सोनापुर मिनरल्सको ७.३५ र सिवाईसी नेपाल लघुवित्तको सेयरमूल्य ६.७२ प्रतिशतले बढ्यो ।  

आज समाज लघुवित्तको सेयरमूल्यमा सबैभन्दा धेरै गिरावट आएको छ । कम्पनीको सेयरमूल्यमा १० प्रतिशतको गिरावटका साथ नकारात्मक सर्किट लागेको छ ।  

आज बिपिडब्लु लघुवित्तको सेयरमूल्य ८.७७ प्रतिशत,किसान लघुवित्तको ५.५६,गोर्खाज फाइनान्सको ५.३५ र धौलागिरी लघुवित्तको सेयरमूल्य ३.३० प्रतिशतले घट्यो ।  

Nepal Investment Mega Bank Limited
Bizshala
Shikhar Insurance
CG Motors
IME remit
Mahalaxmi Development Bank
New Office

हाम्रो बारेमा

Bizshala.com is a leading financial news portal of Nepal run by SOS Media Pvt Ltd. It especially covers the economy, capital market, real estate, banks and financial institutions, merchant banks and various investment tools, insurance market, tourism, auto industry and other fresh and investigative news. Bizshala, which succeeded in becoming the country's leading economic news portal within a short period of its establishment, has the involvement of experienced and seasoned journalists in the financial field. We believe in investigative, factual and innovative news. We look at every news that the reader is interested in from an economic point of view.