_New.gif)
.gif)
.png)
काठमाण्डौ । नेपाल बैंकर्स एशोसिएसन(एनबीए)का प्रेसिडेन्ट सुनिल केसीले मनिटरी साइड निकै बलियो भए पनि सरकारको बजेट नीति तथा कार्यान्वयनको अवस्था कमजोर हुँदा अर्थतन्त्रमा शिथिलता देखिएको टिप्पणी गरेका छन् ।
सोमबार राजधानीमा आयोजित कार्यक्रमलाई सम्बोधन गर्दै उनले यस्तो टिप्पणी गरेका हुन् ।
सही मौद्रिक नीतिकै कारण अर्थतन्त्रको बाह्य क्षेत्र निकै सुखद रहेको भए पनि सरकारले भने आर्थिक गतिविधि बढाउन ध्यान नै नदिएको उनको भनाई थियो ।
‘मनिटरी साइड स्ट्रङ हुँदा दक्षिण एशियामै हाम्रो बैंकिङ सवल, सक्षम र सुरक्षित देखिएको छ ।’ एनएमबी बैंकको प्रमुख कार्यकारी अधिकृत समेत रहेका केसीले भने–‘हामी अरु देशभन्दा प्रोफेसनल्ली म्यानेज छौं । पारदर्शी संस्कृति छ हामीमा । हामी बैंकहरु जे छौं, खुल्ला किताब झै छौं ।’
उनले दक्षिण एशियामै नेपाल यस्तो देश हो, जहाँ गुड लोनको समेत १.२५ प्रतिशत प्रभिजनको व्यवस्था रहेको समेत सुनाए । ‘भारतमै पनि यस्तो हुन्न ।’ उनले भने–‘लोन लस प्रभिजनमा हामी जति कडा भयौं, अब अवस्था सहज बन्दै जाँदा यसमा केही न केही सोच्न आवश्यक छ । यस दिशातर्फ हामीले छलफल पनि अगाडि बढाइसकेका छौं ।’
उनले झट्ट हेर्दा अप्ठ्यारो जस्तो देखिए पनि नेपालको बैंक तथा वित्तीय संस्थाहरु कन्ट्रोलमै रहेका दाबी समेत गरे । ‘हामीले १२०० अर्ब लगानी सरकारी ऋणपत्रहरुमा मात्र गरेका छौं । ५ लाखसम्मको निक्षेपको बीमा हुने हुँदा थप साढे १२ खर्बको डिपोजिट त्यत्तिकै सुरक्षित छ ।’ उनले थपे–‘खराब कर्जाको अनुपात हेर्दा हामी दक्षिण एशियामै सुविधाजनक अवस्थामा छौं । ग्रस एनपीए ३.४ प्रतिशत र नेट एनपीए १.१ प्रतिशत मात्र छ ।’
उनले अमेरिका, यूरोप, भारत लगायतका क्षेत्र तथा देशमा बैंकको ब्याजदर घट्दो क्रममा रहेको उल्लेख गर्दै नेपालमा समेत त्यस्तै परिदृश्यहरु देखिएका बताए । यसलाई केसीले अर्थतन्त्रमा स्ट्याबिलीटी हुँदै गरेको संकेतको रुपमा बुझ्नुपर्ने समेत दाबी गरे ।
नेपालमा मुद्रास्फिति पनि घटेको, बाह्य क्षेत्र पनि सुखद रहे पनि सरकारको खर्च गर्नसक्ने क्षमता न्यून रहेकै कारण आर्थिक गतिविधि बढ्न नसकेको दोहोर्याए ।
उनले सबै सूचक ठीकठाक हुँदै गर्दा बैंकहरुको औसत वितरणयोग्य मुनाफा भने चिन्ताजनक ढंगले घटिरहेको बताए । 'यसमा चाहिँ अब ध्यान दिन आवश्यक छ ।'-उनले थपे ।
.png)
.jpg)
.gif)
