.gif)
(2).gif)
.jpg)
_(1).gif)
.png)
काठमाण्डौ । साताको चौथो कारोबार दिन आज नेपाल स्टक एक्सचेञ्च(नेप्से) मा झिनो अंकको गिरावट आएको छ । आज नेप्से परिसूचक ०.८७ अंक अर्थात ०.०४ प्रतिशतले घटेर २०००.७७ विन्दुमा पुगेको छ ।
यो दिन बलिया र राम्रा कम्पनीको मापक सेन्सेटिभ इन्डेक्स पनि ०.१ ७ प्रतिशतले घटेर ३५६.४५ विन्दुमा पुगेको छ । यो दिन नेप्सेमा सूचीकृत मध्ये ३०८ वटा कम्पनीको ५१ लाख १५ हजार ६५८ कित्ता सेयर २ अर्ब ३ करोड ८१ लाख रुपैयाँभन्दा बढीको कारोबार भएको छ ।
आजको बजारबारे नेपाल इन्भेष्टर फोरमका उपाध्यक्ष राजन लम्साल भन्छन,‘लगानीकर्ता अहिले पर्ख र हेरको अवस्थामा छन् । केहिले बैंकर र कहिले व्यापारी समातिने घटनाका कारण लगानीकर्ताको मबोनल खस्केको छ । लगानीकर्ताले बजारबाट केहि आत्मविश्वासको खोजी गरेको देखिन्छ ।’
.gif)
यहि समयमा हकप्रद र बोनस सेयरको लिस्टिङ पनि भईरहेकाले आपूर्ती बढेका कारण बजार केहि समय साइडवेज चल्न सक्ने लम्साल बताउँछन् ।
अर्का बजार जानकार यज्ञ घिमिरे पनि आपूर्ती बढेको र माग नबढेका कारण बजार माथि जान नसकेको बताउँछन् । उनले भने,‘ सेयर कित्ता थपिएको थपिएकै छ । सधै कर्जा लिएर लगानी गर्ने कुरा भएन । यहि कारण बजारमा माहोल बिग्रिएकाले बजार बढ्न सकेको छैन ।’
यो दिन नेप्सेमा सूचीकृत १३ वटा समूहमध्ये ६ वटा समूहमा हरिायाली छायो भने अन्य ७ वटा समूहमा भने रातो पोतियो । आज व्यापार समूहमा सबैभन्दा धेरै वृद्धि देखियो । यो समूह ५.५१ प्रतिशतले बढ्यो । यो दिन होटल समूह ०.०४,लगानी १.०५,उत्पादन तथा प्रशोधन ४.९६ म्युचुअल फण्ड ०.४१ र अन्य समूह ०.१४ प्रतिशतले बढ्यो ।
आज विकास बैंक समूहमा सबैभन्दा धेरै अर्थात १.११ प्रतिशतको गिरावट आएको छ । बैंकिङ समूह ०.६८,वित्त ०.९६,हाईड्रो ०.८४,जीसवन बीमा ०.५१ लघुवित्त ०.१५ र निर्जीवन बीमा समूह ०.३६ प्रतिशतले घटे ।
धेरै कारोबार गर्ने कम्पनीहरु
आज सोनापुर मिनरल्सको सर्वाधिक सेयर कारोबार भएको छ । यो कम्पनीको आज १२ करोड ६९ लाख बढीको सेयर कारोबार भएको छ । हिमालयन रि इन्स्योरेन्सको आज ८ करोड ६ लाख,बोटलर्स नेपाल(तराई)को ७ करोड ४ लाख, शिवम सिमेन्टको ६ करोड ६ लाख र हिमालयन डिस्टीलरीको ५ करोड ८३ लाख बढीको सेयर कारोबार भएको छ ।
धरै कमाउने र गुमाउने कम्पनीहरु
आज ५ वटा कम्पनीको सेयरमूल्यमा सकारात्मक सर्किट लागेको छ । आज विशाल बजार,बोटलर्स नेपाल(बालाजु)र बोटलर्स नेपाल(तराईं)को सेयरमूल्य १० प्रतिशतले बढेको छ ।
त्यस्तै बिपिडब्लु लघुवित्तको सेयरमूल्य ९.९९,चिरख्या हाईड्रोको ९.६४ र नेष्डो समृद्ध लघुवित्तको सेयरमूल्य ६.८६ प्रतिशतले बढेको छ ।
आज सामलिङ पावरको सेयरमूल्यमा सर्वाधिक अर्थात ६.६६ प्रतिशतको गिरावट आएको छ । यो दिन गुँरास लघुवित्तको सेयरमूल्य ५.९७,मिडसोलु हाईड्रो ५.२३ र जाल्पा सामुदायिक लघुवित्तको सेयरमूल्य ३.७७ प्रतिशतले ओरालो लागेको छ ।
.png)
.png)
.png)
.jpg)
.jpg)
(1).gif)
.gif)
