.gif)
.jpg)
.png)
काठमाण्डौ । आज दुई बीमा र एक लघुवित्त कम्पनीको वार्षिक साधारण सभा आयोजना हुँदैछ । आज हिमालयन रि इन्स्योरेन्स,आईजीआई प्रुडेन्सियल इन्स्योरेन्स र स्वाभिमान लघुवित्तको साधारण सभा आयोजना हुन लागेको हो ।
हिमालयन रि इ्रन्स्योरेन्सको आज हुन लागेको तेस्रो वार्षिक साधारण सभाबाट गत आर्थिक वर्ष २०७९/८० का लागि प्रस्तावित ४ प्रतिशत बोनस सेयर र ०.२१ प्रतिशत नगद गरी कुल ४.२१ प्रतिशत लाभांश वितरणको प्रस्ताव पारित हुनेछ ।
.gif)
यस्तै सभामा बोनस सेयर वितरणपश्चात कायम हुने चुक्तापूँजीमा ८० प्रतिशत(१ः०.८० अनुपात) हकप्रद सेयर निष्कासन गर्ने विशेष प्रस्ताव पारित हुनुका साथै गत आवको वित्तीय विवरणहरु अनुमोदन हुनेछ ।
यस्तै आईजीआई प्रुडेन्सियल इन्स्योरेन्सको सभाबाट पनि गत आवको वित्तीय विवरणहरु माथि छलफल गरी पारित गरिनुका साथै संस्थापक समूहबाट ४ जना (१ जना महिलासहित) र सर्वसाधारण समूहबाट २ जना प्रतिनिधित्व हुने गरी कुल ६ जना सञ्चालकको निर्वाचन गर्ने प्रस्ताव पारित गरिनेछ ।
आजै हुन लागेको स्वाभिमान लघुवित्तको साधारण सभाबाट गत आवको वित्तीय विवरणहरु माथि छलफल गरी पारित गरिनुका साथै अन्य विविध विषयहरु पारित हुनेछ ।
.gif)
.png)
.jpg)
(1).png)
