_New.gif)
.gif)
.jpg)
.png)
काठमाण्डौ । बजारमैत्री सरकार र अर्थमन्त्री आउने विश्वासले लगानीकर्ताको मनोबल बढ्दा सेयर बजार सोमबार केही मिनेट मात्र खुलेर बन्द भएको छ ।
नेप्से परिसूचक ११७.७० अंक(६ प्रतिशत)ले बढेर २०७८ को विन्दूमा बन्द भएको हो ।
लगानीकर्तामा उत्साह देखिँदा बजार खुलेदेखि नै नेप्से परिसूचकमा एकपछि अर्को पोजिटिभ सर्किट लागेको थियो । कारोबार सुरु भएको ४ मिनेटमै नेप्से परिसूचक ४ प्रतिशतभन्दा बढीले वृद्धि भएपछि पहिलो सर्किट ब्रेकर लगाइएको थियो । त्यसपछि २० मिनेटका लागि कारोबार स्थगित गरिएको थियो ।
त्यसपछि खुलेको बजारमा १ मिनेटमै ५ प्रतिशतभन्दा बढीले वृद्धि भएपछि दोश्रो सर्किट ब्रेकर लगाई ४० मिनेटका लागि कारोबार स्थगित गरिएको थियो ।
त्यसपछि खुलेको बजार तल झर्न मानेन । उछालको गति उस्तै रहेका कारण दोश्रो सर्किट ब्रेकर लगाई खुलेको एक मिनेटमै नेप्से परिसूचक ६ प्रतिशतले बढ्यो । फलस्वरुप नेपाल स्टक एक्सचेञ्ज लिमीटेडले सोमबारका लागि कारोबार स्थगन गरिदिएको हो ।
यसरी हेर्दा सोमबार बजारमा ६ मिनेट पनि कुल कारोबार हुन पाएन ।
नेप्सेमा कारोबार खुलको पहिलो घण्टामा ४ प्रतिशतले बजार तलमाथि भए सर्किट ब्रेक लाग्ने र २० मिनेटका लागि कारोबार स्थगन हुने व्यवस्था छ ।
दोस्रो पटक ५ प्रतिशतले घटबढ भए बजार ४० मिनेटका लागि स्थगन हुन्छ भने तेस्रो पटक ६ प्रतिशतले बजार भटबढ भए दिनभरका लागि कारोबार स्थगन हुने व्यवस्था छ ।
के-के भयो बजारमा ?
छोटो समयका लागि कारोबार भएको आजको बजारमा कुल २३२ कम्पनीको सेयर कारोबार भएको थियो । कारोबारमा आएका कम्पनीमध्ये २३० वटा कम्पनीको सेयरमूल्य बढेको छ भने २ वटाको मात्र खटेको छ ।
छोटो समय मात्र चलेको बजारमा ३७ करोड ५२ लाखभन्दा बढीको कारोबार भएको छ ।
यो दिन ३२ वटा कम्पनीको सेयरमूल्यमा पोजिटिभ सर्किट लागेको तथा सर्किट लेभलमा मूल्य पुगेको छ ।
जलविद्युत उपसमूहमा ८ प्रतिशत हाराहारीको उछाल आएको छ । बैंकिंग समूहमा ६ प्रतिशत, विकास बैंक समूहमा ६.४१ प्रतिशत, जीवन बीमा, लगानी तथा वित्त समूहमा पनि ६ प्रतिशत बढीको उछाल आएको छ ।
.png)
(1).png)
.jpg)
.gif)
