_New.gif)
.gif)
.png)
काठमाण्डौ । दशा बाजा बजाएर आउँदैन भन्ने उखान एलन मस्कको हालको अवस्थामा चरितार्थ भएको छ । टेस्ला,स्पेसएक्स र ट्विटर जस्ता कम्पनीका मालिक एलन मस्कलाई एकै दिनमा दुई झट्का लागेको छ । मस्क विश्वको शीर्ष धनाढ्यको सूचीबाट तल झर्दे दोस्रो स्थानमा पुगेका छन् ।
सोमबार टेस्ला कम्पनीको सेयरमूल्यमा आएको ७ प्रतिशतभन्दा बढी गिरावटका कारण उनको नेटवर्थमा १७ अर्ब डलरको कमी आएको छ । जसका कारण उनको नेटवर्थ २०० अर्ब डलरभन्दा कममा सीमित भएको छ । उनको कुल सम्पत्ति १९८ अर्ब डलरमा झरेको छ ।
मस्कलाई उछिन्दै अमेजनका सीईओ विश्वको सबैभन्दा धनी व्यक्ति बन्न सफल भएका छन् । बेजोसको कुल सम्पत्ति २०० अर्ब डलर रहेको छ ।
यस्तै मस्कलाई एउटा अर्को झट्का लागेको छ । ट्विटरका पूर्व सीईओ पराग अग्रवाल र अन्य तीनजना अधिकारीहरुले मस्कविरुद्ध १२.८ करोड डलरभन्दा बढीको मुद्दा दायर गरेका छन् । मद्दा दायर गर्नेमा अग्रवालसँगै ट्व्टिरका पूर्व प्रमुख वित्तीय अधिकारी नेड सेगल, पूर्व कानून प्रमुख विजया गाड्डे र पूर्व जनरल काउन्सिल सीन एडगेट रहेका छन् ।
मस्कले सन् २०२२ अक्टोबर महिनामा सामाजिक सञ्जाल ट्विटर(अहिले एक्स)को स्वामित्व खरिद गरेका थिए । यो सम्झौता ४४ अर्ब डलरमा पूर्ण भएको थियो । कम्पनी प्राप्ति गरेपछि मस्कले सबैभन्दा पहिले भारतीस्य मूलका सीईओ पराग अग्रवाल र अन्य शीर्ष अधिकारीहरुलाई कम्पनीबाट निकालेका थिए । यसमा सीगल,गाड्डे र एडगेट पनि समावेश थिए ।
यी सबैजना मिलेर मस्कले घोर लापरवाहि गर्दै आफुहरुलाई निकालेको भन्दै मुद्दा दायर गरेका छन् । उनीहरुले ट्विटरले आफुहरुलाई १२.८ करोड डलर भुक्तानी गर्न बाँकी रहेको बताएका छन् । -एजेन्सी
.png)
.jpg)
.jpg)
.gif)
