_New.gif)
.gif)
.png)
.png)
काठमाण्डौ । गत आर्थिक वर्षको मुनाफाबाट लाभांश वितरण नगरी सेयरधनीलाई निराश बनाएको आइजीआई प्रुडेन्सियल इन्स्योरेन्सले आफ्ना कर्मचारीलाई भने मालामाल बनाएको छ ।
साविक आइएमई जनरल र प्रुडेन्सियल इन्स्योरेन्स एकआपसमा मर्ज भई बनेको आइजीआई प्रुडेन्सियलले गत आर्थिक वर्षमा आफ्ना कर्मचारीको सुविधा बापत २४ करोड ४५ लाख रुपैयाँ खर्च गरेको छ । जुन यो अघिल्लो वर्षको तुलनामा २३.४७ प्रतिशतले बढी हो ।
अघिल्लो वर्षमा कम्पनीले कर्मचारी सुविधाका लागि १९ करोड ८० लाख रुपैयाँ खर्च गरेको थियो । बीमा कम्पनीहरुले आफ्ना कर्मचारीहरुलाई सुविधा दिन ‘कर्मचारी सुविधा खर्च’ शीर्षक राखेर रकम छुट्याएको हुन्छ । यस्ता खालका रकम नगद वा गैह्र–नगद पनि हुन सक्छ ।
कर्मचारी सुविधा खर्चभित्र कर्मचारीको तलब, बोनस रकम, स्वास्थ्य बीमा, चाडपर्व भत्ता, तालिम खर्च तथा लत्ताकपडा ९युनिफर्म० यावतका विषयहरु पर्छन् ।
आर्थिक वर्ष २०७९/८० मा आइजीआई प्रुडेन्सियल इन्स्योरेन्सले कर्मचारीलाई दिने बोनस रकम मात्रै १९.७६ प्रतिशतले बढाएको छ । आव २०७८/७९ मा कर्मचारीलाई २ करोड २७ लाख रुपैयाँ बोनस बाँडेको कम्पनीले गत आवमा २ करोड ७२ लाख रुपैयाँ बोनस वितरण गरेको छ ।
साथै कर्मचारी तलब बापत कम्पनीले ९ करोड ३ लाख ५७ हजार रुपैयाँ खर्च गरेको छ । अघिल्लो आवको तुलनामा गत आवमा तलब समेत १९।५६ प्रतिशतले बढेको छ । सो आवमा कम्पनीले कर्मचारी तलबमा ७ करोड ५५ लाख रुपैयाँ खर्चेको थियो ।
त्यस्तै, चाडपर्व तथा अन्य भत्ता स्वरुप कम्पनीले गत आवमा ६ करोड ९१ लाख रुपैयाँ खर्च गरेको छ । जुन यो अघिल्लो आवको तुलनामा १८.६९ प्रतिशतले बढी हो । सो आवमा कम्पनीले कर्मचारीलाई चाडपर्व तथा अन्य भत्तास्वरुप ५ करोेड ८२ लाख रुपैयाँ खर्च गरेको थियो ।
त्यस्तै, कम्पनीले सामाजिक सुरक्षा कोष, अन्य कोष, कर्मचारी तालिम, युनिफर्म खर्च, स्वास्थ्य उपचार र बीमा खर्च र विदा भत्ता र खाना खर्च स्वरुप ५ करोड ७७ लाख रुपैयाँ छुट्याएको छ । जुन यो अघिल्लो वर्षको तुलनामा २३३.७७ प्रतिशतले बढी हो । सो वर्षमा कम्पनीले यस्ता विषयमा १ करोड ७३ लाख रुपैयाँ खर्चेको थियो ।
आर्थिक वर्ष २०७८/७९ मा कम्पनीले मार्केटिङ भत्ता, सवारी साधन भत्ता र फोर्स लिभ भत्ता स्वरुप १ करोड ४८ लाख रुपैयाँ खर्च गरेको थियो ।
कम्पनीमा व्यवस्थापन स्तरका कर्मचारीको संख्या ५८ गरी कुल कर्मचारी संख्या ५०० छ । कम्पनीले गत आवमा ४१ करोड ३ लाख रुपैयाँ खुद नाफा आर्जन गरेको थियो । उल्लेख्य नाफा कमाउँदा पनि कम्पनीले सेयरधनीहरुलाई हिस्स बनाएको छ । सो आवको मुनाफा कम्पनीले संचित गरी राख्ने नेप्सेसमक्ष जानकारी गराएको थियो ।
.png)
(1).jpg)
.jpg)
.gif)
