Nabil Bank Limited
Nabil Bank Limited
Bizshala

९.७१% ब्याजदरमै नेपाल बैंकबाट पाइन्छ सेयर कर्जा, ब्राण्डिङ नहुँदा लगानीकर्ता बेखबर

Global IME Bank Limited
९.७१% ब्याजदरमै नेपाल बैंकबाट पाइन्छ सेयर कर्जा, ब्राण्डिङ नहुँदा लगानीकर्ता बेखबर
Nabil Bank Limited

काठमाण्डौं । नेपालको पहिलो बैंक, नेपाल बैंकले आकर्षक ब्याजदरमा सेयर धितो कर्जा उपलब्ध गराइरहेको भए पनि लगानीकर्ताको आकर्षण भने अत्यन्त न्यून देखिएको छ ।  

बैंकले आकर्षक ब्याजदरमा सेयर लगानीकर्ताका लागि कागजात पुगेको २ कार्यदिनमै सेयर कर्जा दिने बताए पनि लगानीकर्ताको आकर्षण भने देखिन्न ।  

बैंकले सेयरधितो कर्जाको ब्राण्डिङ पनि खासै गर्न सकेको छैन । जसका कारण सेयर कर्जा आवश्यक हुनेले पनि नेपाल बैंकले सहुलियत दरमा छिटोछरितो सेवा दिन्छ भन्ने कुरा थाहा पाएका छैनन् । 

Shivam Cement
Sagarmatha Cement
Muktinath Bikas Bank Limited

पछिल्लो समय नेपाल बैंकमा नयाँ नेतृत्व आएको छ । सो नेतृत्व पुरातन सोंचमै रमाउने गरेको कर्मचारी दाबी गर्छन् । नेतृत्वले आफ्नो प्रडक्टको ब्राण्डिङमा चासो नै नदिएको र पुरातन बैंकिङ शैलीमा रमाउँदा समस्या भएको उनीहरु बताउँछन् ।  

यही प्रवृतिका कारण आकर्षक ब्याजदरमा पाइने सेयरधितो लगायतका कर्जाहरु बैंकबाट उल्लेख्य रुपमा प्रवाह हुन नसकेको देखिएको छ ।  

सेयर कर्जाकै प्रवाहकै लागि भनेर खटाइएका कर्मचारी फुर्सदिला देखिन्छन् । एक कर्मचारीले हाल मुश्किलले दिनमा एक–दुईजना मात्रै सेयर कर्जाको विषयमा बुझ्न आउने गरेको जानकारी दिए ।  

बैंकले यस्तो सेयर कर्जा ९.७१ प्रतिशत ब्याजदरमा उपलब्ध गराइरहेको छ । कर्जा लिन चाहनेले न्यूनतम ५ लाख रुपैयाँदेखि अधिकतम १५ करोड रुपैयाँसम्म सेयर कर्जा पाउनेछ । यसका लागि कुनै आम्दानीको स्रोत आवश्यक नरहेको पनि बैंकले जनाएको छ ।  

बैंकले बाणिज्य बैंकमा १८ वटा, विकास बैंकमा ७ वटा, जलविद्युतमा ६ वटा, इन्स्योरेन्समा १४ वटा, माइक्रो फाइनान्समा ६ र अन्य समूहका ५ वटा कम्पनीको सेयर धितोमा राखेर कर्जा उपलब्ध गराउँदै आएको छ ।  

आवश्यक कागजपत्रमा कर्जा लिने र जवानी बस्नेको परिचयपत्र, फोटो, नाता प्रामाणित, डीम्याटको स्टेटमेन्ट, बैंक खाता आवश्यक पर्नेछ । कम्पनीको हकमा प्यान नम्बर र भ्याट सर्टिफिकेट आबश्यक रहने, तर व्यक्तिको हकमा ५० लाखभन्दा बढी कर्जा लिनेलाई भने प्यान नम्बर आवश्यक रहन्छ ।  


Nepal Investment Mega Bank Limited
CG Motors
New Office
Mahalaxmi Development Bank
Shikhar Insurance
IME remit

हाम्रो बारेमा

Bizshala.com is a leading financial news portal of Nepal run by SOS Media Pvt Ltd. It especially covers the economy, capital market, real estate, banks and financial institutions, merchant banks and various investment tools, insurance market, tourism, auto industry and other fresh and investigative news. Bizshala, which succeeded in becoming the country's leading economic news portal within a short period of its establishment, has the involvement of experienced and seasoned journalists in the financial field. We believe in investigative, factual and innovative news. We look at every news that the reader is interested in from an economic point of view.