अडानी ग्रुपले ७ वटा विमानस्थल विस्तारका लागि ६० हजार करोड भारु लगानी गर्ने

काठमाण्डौ । भारतीय धनाढ्य गौतम अडानीको अडानी ग्रुपले आगामी १० वर्षभित्र ७ वटा विमानस्थल विस्तारका लागि ६० हजार करोड भारु लगानी गर्ने भएको छ । अडानी पोर्टस् एण्ड स्पेशल इकोनोमिक जोन लिमिटेडका एमडी करन अडानीले यसबारे जानकारी दिएका हुन् ।

कुल लगानीमध्ये आधि लगानी अडानी ग्रुपको पोर्टफोलियोमा रहेका विमानस्थलहरुको धावनमार्ग क्षमता विस्तार गर्न र बाँकी रकम सवमानस्थल वरपर सहर विकास गर्नका लागि प्रयोग गरिने करन अडानी बताएका छन् ।

यी लगानीहरुमा माउ कम्पनी अडानी इन्टरप्राइजेज्ले कोष प्रदान गर्ने जनाएको छ । अडानी ग्रुपले भारतको मुम्बई,अहमदाबाद,लखनउ,जयपुर,गुवाहाटी,मंगालुरु र थिरुभनाथ्थापुरमका विमानस्थलहरु सञ्चालन गरिरहेको छ । -एजेन्सी