रुसमा ५० यात्रु सवार विमान बेपत्ता

काठमाण्डौ । रुसमा बिहिबार करिब ५० यात्रु बोकेको यात्रुवाहक विमानसँग एयर ट्राफिक कन्ट्रोलरको सम्पर्क टुटेको छ । समाचार एजेन्सी रोयटर्स र एएफपीका अनुसार उक्त जानकारी उक्त क्षेत्रका गभर्नरले दिएका हुन्।

साथै, गभर्नरले विमानको खोजी कार्य जारी रहेको बताएका छन् ।

एजेन्सीका अनुसार स्थानीय आपतकालीन मन्त्रालयले चीनसँग सीमा जोडिएको अमुर क्षेत्रको टिन्डा सहर नजिक पुग्दा राडारबाट बेपत्ता भएको जनाएको छ ।

क्षेत्रका गभर्नर भासिली ओर्लोभले प्रारम्भिक तथ्याङ्कअनुसार उक्त विमानमा ५ बालबालिका र ६ जना चालक दलका सदस्यसहित ४३ जना यात्रु सवार रहेको बताए ।

ूविमानको खोजी गर्न सबै आवश्यक बल र साधनहरू तैनाथ गरिएको जनाइएको छ ।