_New.gif)
.gif)
.png)
काठमाण्डौ । चिनीया अटो निर्माता कम्पनी स्काईवर्थ अटोको ‘स्काईवर्थ ईभीसिक्स(स्काईवेल ईटी५,इम्पेरियम एसईभी र इलारिस बीईओ नामले समेत परिचित) विद्युतीय कारले सुरक्षा तथा क्रयास टेस्टमा सिंगल स्टार मात्रै प्राप्त गरेको छ ।
चीनको सी–एनसीएपी सेफ्टी तथा क्रयास टेस्टमा यो कारले खराब प्रदर्शन गर्दै सिंगल स्टार मात्रै स्टार पाएको हो । यो कारको परिणाम किन यति धेरै कमजोर रह्यो ? के यो कार चलाउन खतराजनक छ ?
स्काईवर्थ ईभीसिक्सका बारेमा
स्काईवर्थ ईभीसिक्स कार विवादै विवादले भरिएको कार हो । यो कारका साना–साना विषय पनि प्रश्नको घेरामा बाधिएका छन् ।
यो एउटा एनईभी ब्राण्ड हो । जुन बस निर्माता कम्पनी नानजिङ गोल्डेन ड्रागन बस र इलेक्ट्रिक जायन्ट स्काईवर्थको ज्वाइन्ट भेन्चर हो । सव्रप्रथम यो ईभी ब्राण्ड ‘स्काईवेल’को नामअन्तर्गत लञ्च भएको थियो । यो ब्राण्डअन्तर्गत निर्माण भएको पहिलो कार स्काईवेल ईटीफाइच हो । त्यपश्चात यो ब्राण्डलाई अचानक स्काईवर्थ अटोको नाम दिइयो । र स्काईवेल ईटीफाइभको नाम पनि स्काईवर्थ ईभीसिक्समा परिणत गरियो ।
यद्यपी विदेशी बजारमा भने यो कारको अन्य थुप्रै नामहरु समेत छन् । यो कारलाई टर्की र युएई लगायतका देशमा ईटीफाइभ,जर्मनीमा ईलारिस बीईओ र अमेरिका र क्यानडामा ईमेरियम एसईभीको नामले चिनिन्छ ।
यो कार ४६९८/१९०८/१६९६ एमएम भएको मध्यम आकारको एसयुभी कार हो । यसको ह्विल बेसको आकार २८०० एमएम रहेको छ । यो कारको फ्रन्ट एक्सलमा १५० किलोवाटको इलेक्ट्रिक मोटर प्रदान गरिएको छ । जसले २०४ एचपी र ३२० एनएम पाव् जेनेरेट गर्ने क्षमता राख्छ । ब्याट्री प्याकमा तीनवटा अप्सन दिइएको छ ।
इन्ट्री लेभलका लागि ५२ किलोवाट आवरको ब्याट्री र ४०२ किमीको एनईडीसी रेञ्ज दिइएको छ । यस्तै मिड लेभलका लागि ७२ किलोवाट आवर ब्याट्री प्याक र ५२० किमीको एनईडीसी रेञ्ज दिइएको छ ।
त्यस्तै टप लेभलका लागि ८६ किलोवाट आवर ब्याट्री प्याक र ६२० किमीको सीएलटीसी रेञ्ज दिइएको छ ।
यसको मूल्य रेञ्ज २१ हजार ७०० डलरदेखि ४१ हजार ४५० डलरसम्म तोकिएको छ । मूल्य हेर्दा यो कार सस्तो कार भने होइन । विदेशी बजारमा यो कारले सेमी–लक्जरी कारका रुपमा आफ्नो स्थान कायम गरेको छ ।
स्काईवर्थ ईभीसिक्सको क्रयास टेस्ट रिजल्ट
सी–एनसीएपी ‘चाइना अटोमोटिभ टेक्नोलोजी एण्ड रिसर्च सेन्टर(क्याटआर्क) अन्तर्गत सन् २००६ मा सुरुवात भएको ‘सेफ्टी एण्ड क्रयास पफर्मेन्स यास्यास्मेन्ट प्रोग्राम’ हो । यसले सवारी साधनहरुको सुरक्षा मापदण्ड र क्रयास टेस्ट गर्ने गर्छ । अहिले सी–एनसीएपी,युरो एनसीएपी प्रोग्रामसँग नजिक रहेको छ ।
सी–एनसीएपी टेस्टमा सवारी साधनको सुरक्षालाई ० देखि १०० प्रतिशतसम्म मापन वा मूल्यांकन गर्ने गरिन्छ । मूल्यांकनलाई सरल तरिकाले बुझनका लागि यस्तो प्रतिशतलाई स्टारमा परिणत गरिन्छ ।
सी– एनसीएपीमा सवारीको प्यासेन्जर क्षमता,जोखिमपूर्ण सडक प्रयोगकर्ता र सुरक्षा सहायता कार्य जस्ता परीक्षण गर्ने गरिन्छ । सी– एनसीएपीले ३१ हजार ५६० डलर मूल्य भएको स्काई वर्थ ईभीसिक्स ५२० स्मार्ट भर्जनलाई परीक्षण गरेको थियो । केहि महत्वपूर्ण स्वचालित सवारी प्रविधिको परीक्षण गर्नुपर्ने आवश्यक भएकाले सी–एनसीएपीले परीक्षणका लागि स्काईवर्थईभीसिक्स ५२० स्मार्ट भर्जनलाई रोजेको थियो ।
सवारी साधनमा रहेका यात्रुको सुरक्षामा स्काईवर्थ ईभीले ३८.५ प्रतिशत अंक प्राप्त गरेको छ । यद्यपी यसको अघिल्लो भागको क्रयासको प्रभाव भने त्यति नराम्रो छैन । अघिल्लो भागको फुल विथ ब्यारियर क्रयासमा ईभीसिक्सले कुल २४ अंकमा १३ अंक प्राप्त गरेको छ । डिफर्मेबल ब्यारियर क्रयासमा भने २४ अंकमा १६ अंक प्राप्त गरेको छ ।
स्काईवर्थ ईभीसिक्सको ए–पिप्ललमा समस्या नभएपनि यात्रुलाई भने केहि चोट लागेको थियो । तर स्लाइड(छेउ) क्रयासमा भने कारले एकदमै कम अंक प्राप्त गरेको छ । स्लाइट क्रयासका क्रममा बी–पिल्लर क्याबिनभन्दा टाढा गएको थियो । जसका कारण कारलाई कुल १६ अंकमा शुन्य अंक दिइएको थियो ।
जोखिमयुक्त सडक प्रयोगकर्ता परीक्षणमा स्काईवर्थ सिक्सले ६१.५ प्रतिशत अंक प्राप्त गरेको छ । जसलाई नराम्रो मान्न भने सकिदैन । तर कारको सेफ्टी असिस्टेन्ट फंसन अर्को कमजोरीको रुपमा देखिएको छ । कएईबी,एलकेए र अन्य प्रणालीको कमजोर प्रदर्शनका कारण सेफ्टी असिस्टेन्ट फंसनमा कारले जम्मा ३० प्रतिशत अंक प्राप्त गरेको छ ।
समग्रमा हेर्दा यो कार सुरक्षाका दृष्टिकोणले खतरापूर्ण देखिएको छ । यसको स्वचालित सवारी प्रणाली आउटडेटेड भइसकेको छ र यसको बडीले जोडको क्रयासलाई धान्न नसक्ने देखिएको छ । सी–एनसीएपीको रेटिङले स्काईवर्थ सिक्स अटोले धेरै होमवर्क गर्न बाँकी रहेको देखाएको छ ।
.png)
.jpg)
.jpg)
.gif)
