Nabil Bank Limited
Nabil Bank Limited
Bizshala

एभरेष्ट बैंकले सेयरधनीलाई दशैंखर्च दिने, साथमा बोनस उपहार

Global IME Bank Limited
एभरेष्ट बैंकले सेयरधनीलाई दशैंखर्च दिने, साथमा बोनस उपहार
Nabil Bank Limited

काठमाण्डौ । एभरेष्ट बैंक लिमीटेडले दशैंअघि नै सेयरधनीलाई बोनस खुवाउने भएको छ । 

आफ्ना सेयरधनीले दशैंखर्च समेत पाउन् र दशैंको सौगातको रुपमा बोनस सेयर पनि पाउन् भन्ने उद्देश्यले एभरेष्ट बैंकले यस्तो तयारी गरेको हो । 

यो बैंकलाई नेपाल राष्ट्रबैंकले आर्थिक वर्ष २०७९–८० को वित्तीय विवरण(वासलात)का लागि प्रारम्भिक स्वीकृति(प्रिलिमिनरी अप्रूभल) दिएको छ ।

आइतबार राष्ट्रबैंकबाट यस्तो स्वीकृति आएपछि बैंक चाँडोभन्दा चाँडो लाभांश घोषणा गरेर दशैंअघि नै लाभांश खुवाउने तयारीमा जुटेको हो। 

वासलातलाई प्रारम्भिक स्वीकृति आएसँगै बैंकको यही साता सञ्चालक समितिको बैठक बस्नेछ । सो बैठकले गत आर्थिक वर्षको वितरणयोग्य मुनाफाबाट लाभांश घोषणा गर्नेछ । 

यो बैंकले गत वर्षको नाफाबाट ४० प्रतिशतभन्दा बढीको लाभांश क्षमता बनाएको छ । तर, सबै लाभांशको रुपमा आउने सम्भावना छैन। 

बैंकले विगतदेखि नै नगद लाभांशमा समेत जोड दिंदै आएको छ । यसर्थ, यसपटक पनि २०–२५ प्रतिशतको हाराहारीमा एभरेष्ट बैंकले लाभांश घोषणा गर्ने र त्यसमा नगद लाभांशको मात्रा पनि राम्रै हुनसक्ने अनुमान गरिएको छ । 

एभरेष्ट बैंक बोनस सेयर मात्र दिएर आफ्नो पूँजीको साइज धेरै ठूलो बनाउने पक्षमा छैन । त्यसकारण यो बैंकको सेयर किनेर बसेकाहरुले दशैंअघि उपहारको रुपमा केही बोनस सेयर पाउनेछन् भने ‘दशैं खर्च’को रुपमा नगद लाभांश समेत पाउनेछन् । 

‘सञ्चालक समितिबाट लाभांशको निर्णय भएपछि हामी द्रूत गतिमा बाँकी काम अगाडि बढाउने सोंचमा छौं ।’ बैंकस्थित स्रोतले भन्यो–‘दशैंअघि नै वार्षिक साधारणसभा समेत सम्पन्न गर्ने गरी हाम्रो तयारी अगाडि बढेको छ ।’ 

सञ्चालक समितिबाट घोषित लाभांश वार्षिक साधारणसभाबाट पारित भएपछि लगानीकर्ताले पाउने प्रक्रिया रहेको छ । 

Shivam Cement
Sagarmatha Cement
Muktinath Bikas Bank Limited

Nepal Investment Mega Bank Limited
Bizshala
Shikhar Insurance
CG Motors
IME remit
Mahalaxmi Development Bank
New Office

हाम्रो बारेमा

Bizshala.com is a leading financial news portal of Nepal run by SOS Media Pvt Ltd. It especially covers the economy, capital market, real estate, banks and financial institutions, merchant banks and various investment tools, insurance market, tourism, auto industry and other fresh and investigative news. Bizshala, which succeeded in becoming the country's leading economic news portal within a short period of its establishment, has the involvement of experienced and seasoned journalists in the financial field. We believe in investigative, factual and innovative news. We look at every news that the reader is interested in from an economic point of view.