.gif)
(1).gif)
(2).gif)
.jpg)
.gif)
.png)
काठमाण्डौ । विद्युतीय चुरोट (भेप)मार्फत भएको निकै ठूलो परिमाणको सुन तस्करी प्रकरणमा दोषी किटान गरिएका सत्तारुढ दल नेकपा माओवादी केन्द्रका उपाध्यक्ष तथा पूर्व सभामुख कृष्णबहादुर महरा पक्राउ परेका छन् ।
प्रहरी महानिरीक्षक बसन्त कुँवरले बिजशालासँग कुरा गर्दै महरालाई कपिलवस्तुबाट पक्राउ गरिएको पुष्टि गरेका छन् । उनलाई थप अनुसन्धान र कारबाहीका लागि काठमाण्डौ ल्याइँदै गरिएको समेत कुँवरले बताएका छन् ।
(1).gif)
सरकारले तत्कालीन संसदको प्रमुख प्रतिपक्षी दल नेकपा एमालेको प्रतिनिधिसभामा लगातार विरोधपछि गठन गरेको सुन तस्करीका विषयमा उच्चस्तरीय जाँचबुझ आयोग गठन गरेको थियो । पूर्व न्यायाधिशको संयोजकत्वमा गठित सो आयोगले गत बिहीबार मात्र उपप्रधान तथा गृहमन्त्री रवि लामिछानेलाई आफ्नो प्रतिवेदन बुझाएको थियो ।
सो प्रतिवेदनमा महराको समेत सुन तस्करीमा कनेक्सन देखिएको भन्दै उनीमाथि थप छानबिन र कारबाही हुनुपर्ने सुझाइएको थियो ।
त्यसको भोलिपल्टै सुन छानबिन आयोगको प्रतिवेदन अक्षरंश कार्यान्वयन गर्ने मन्त्रीपरिषद बैठकले निर्णय गरेको थियो ।
सोही निर्णय र गृहमन्त्रीको निर्देशनअनुसार प्रहरीले महरालाई पक्राउ गरेको हो । उनका छोरा राहुल महरा समेत सोही प्रकरणमा संलग्न रहेको आरोपमा पुर्पक्षका लागि हाल थुनामा छन् ।
प्रहरीले सुन तस्करी प्रकरणमा संलग्नताको आरोपमा पूर्व उपराष्ट्रपति नन्दकिशोर पुनका छोरालाई समेत केही दिनअघि पक्राउ गरिसकेको छ ।
सोही प्रकरणमा फितलो अनुसन्धान गरी दोषीलाई उम्काइएको भन्दै प्रहरीको केन्द्रीय अनुसन्धान ब्यूरो(सीआइबी)को नेतृत्व नै गृहमन्त्री परिवतर्न गरिसकेका छन् ।
(2).gif)
.png)
.gif)
.jpg)
.jpg)
(1)(1).jpg)
(1).jpg)
