अफरोड ट्रयाकमा एमजी ४ इभिको ‘स्ट्रेन्थ टेस्ट’

AUTO
मंगलवार, चैत्र ६,२०८० 14:23:04

काठमाण्डौ । एमजीको नेपालका लागि आधिकारीक वितरक पारामाउन्ट मोटर्स प्रालिले एमजीफोर ईभीको स्ट्रेन्थ टेस्ट सम्पन्न गरेको छ । ‘एमजी ४ स्ट्रेन्थ टेस्टः इन्डुरेन्स इन एड्भरसिटी’नामको उक्त इभेन्ट नेपालमा आयोजना गरिएको पहिलो ईभी स्ट्रेन्थ टेस्ट भएको कम्पनीले दाबी गरेको छ ।

उक्त इभेन्ट गत चैत १ गते बिहिबार धुलिखेलमा रहेको ‘डर्ट टेम्पल’मा आयोजना गरी कम्पनीले विभिन्न सेलिब्रेटी, मिडियाकर्मी, ग्राहकवर्ग तथा सामाजिक सञ्जालका प्रभावकर्ताहरुलाई सहभागी गराएको हो ।

धुलिखेलमा रहेको डर्ट टेम्पलमा एमजी ४ इभिको‘इन्डुरेन्स’ टेस्ट गरिएको थियो । त्यहाँको डर्ट ट्रयाकमा सहभागीहरुले हिलो बाटो, सार्प टर्निङ, हील असिस्ट र ओरालोको पर्फमेन्स जस्ता विषयमा एमजी ४ इभिको परीक्षण गरेका थिए । ट्रयाकमा गाडी कुदाउने क्रममा सहभागीहरुले सो गाडीको ग्राउन्ड क्लियरेन्स, चारवटै चक्कामा रहेका इन्डिपेन्डेन्ट सस्पेन्सनको पर्फमेन्स, त्यसको पावर र पीकअपको अनुभव लिएका थिए ।

एमजीको डेडिकेटेड ईभीप्लेटफर्ममा बनेको पहिलो ईभी एम.जीफोर, अविश्वसनीय डर्ट ट्रयाकमा ड्राइभ गराइएको थियो । उक्त ट्रयाकमा पटहोल, ठाडो उकालो, सार्प टर्निङ, मडी, बम्पी बाटोमा कारको स्ट्रेन्थ टेस्ट गरिएको थियो ।

यसो हेर्दा कम ग्राउण्ड क्लियरेन्स भएको देखिएपनि इन्डिपेन्डेन्ट र स्टिफ सस्पेन्सनका कारण ४ जना बसेर गाडी चलाउँदा पनि ग्राउन्ड क्लियरेन्सका कारणले समस्या सिर्जना नभएको पाइएको कम्पनीले जनाएको छ । एमजी ४ इभिमा रहेको हील असिस्ट, हील डिसेन्ट कन्ट्रोल तथा रियर ह्वील ड्राइभका कारण कठिन बाटोमा पनि राम्रो पर्फमेन्स दिएको अनुभब सहभागीहरूले बताएको कम्पनीले उल्लेख गरेको छ ।

इभेन्टका बारेमा बोल्दै पारामाउन्ट मोटर्सका प्रतिनिधिले भने, ‘नेपालमा रहेको बिभिन्न ई.भी गाडिहरू मध्ये एम.जीले पहिलो पटक यस्तो परीक्षण गरेको हो । गाडीको “ग्राउन्ड क्लियरेन्स”को सम्बन्धमा रहेको शंका टेस्ट ड्राइभ पश्चात मेटिइएको पाइयो ।’