_New.gif)
.gif)
.png)
काठमाण्डौ ।साताको पहिलो कारोबार दिन आइतबार बजार २५.६३ अंकले घटेर २ हजार १३०.१८ विन्दुमा बन्द भएको छ ।
यो दिन बलिया र राम्रा कम्पनीको मापक सेन्सेटिभ इन्डेक्स पनि ७.४१ अंकले घटेर ३८६.२० विन्दुमा पुगेको छ ।
यो दिन नेप्सेमा सूचीकृत मध्ये ३०८ वटा कम्पनीको २ करोड २८ लाख २० हजार २७९ कित्ता सेयर ७ अर्ब ६७ करोड ७७ लाख रुपैयाँभन्दा बढीको कारोबार भएको छ ।
आज प्रकाशित बैंक तथा वित्तीय संस्थाहरुको दोस्रो त्रैमासिक विवरण लगानीकर्ताहरुको अपेक्षा अनुसार आउन नसक्दा बजार घटेको हो ।
आजको बजारबारे बजार जानकार महेश रिजाल भन्छन्, ‘आज सार्बजनिक बैंक तथा वित्तीय संस्थाको दोस्रो त्रैमासिक विवरणले गर्दा बजार घटेको हो, र बजारमा लगानीकर्ताको सेन्टिमेन्ट पनि ग्याप फिल गर्न आउँछ भन्ने छ,त्यो भनेको २ हजार १२० विन्दुसम्म हुन सक्दछ र अर्को भनेको २ हजार १५५ विन्दुसम्म पनि हुन सक्दछ ।यो अहिलेको करेक्सन भनेको अल्पकालिन वियरिस र नाफा बुक मात्रै हो ।’
उनका अनुसार अबैको एक/दुई कारोबारबाट बजार पुन : फर्किन सक्छ।अन्यथा बजार आउने साताबाट मात्रै फर्किन पनि सक्छ ।
अर्का बजार जानकार विरेन्द्र विष्टले आजको बजार घटाईलाई नाफा बुक भएको बताउँछन् ।
उनी भन्छन्, ‘ सबैतिर सकारात्मक माहोल भएकाले बढीमा एकदुई दिन मात्र करेक्सन आउँछ, केहि दिनपछि बजार सम्हालिन्छ ।’
यो दिन नेप्सेमा सूचीकृत १३ वटा समूहमध्ये अन्य र हाइड्रोपावर समूह बाहेक अरु सबै समूहमा रातो पोतिएको छ । यो दिन अन्य समूह १.३८ प्रतिशतले बढेको छ ।
यसैगरी, यो दिन सबैभन्दा बढी विकास बैंक समूह घटेको छ । यो समूह २.६१ प्रतिशतले घटेको छ।त्यस्तै, वित्त समूह २.५५ प्रतिशतले घटेको छ। यस्तै बैंकिङ समूह २.४२प्रतिशतले घटेको छ ।त्यस्तै लगानी समूह १.९५ प्रतिशतले घटेको छ।
धेरै कारोबार गर्ने कम्पनीहरु
यो दिन हिमालयन रिइन्स्योरेन्सको सबैभन्दा बढी कारोबार भएको छ । उक्त कम्पनीको ५६ करोड ७९ लाख रुपैयाँभन्दा बढीको कारोबार भएको छ । यस्तै दोस्रोमा हिमाल दोलखा हाइड्रोपावर कम्पनी रहेको छ।
उक्त कम्पनीको २२ करोड ९१ लाख रुपैयाँभन्दा बढीको कारोबार भएको छ ।यसैगरी, अपी पावर कम्पनीको २० करोड ८२ लाख रुपैयाँभन्दा बढीको कारोबार भएको छ । त्यस्तै नेपाल रिइन्स्योरेन्सको २०करोड १३ लाख रुपैयाँभन्दा बढीको कारोबार भएको छ भने सोनापुर मिनरल्स एन्ड आयलको १९ करोड ८८लाख रुपैयाँभन्दा बढीको कारोबार भएको छ ।
।
धरै कमाउने र गुमाउने कम्पनीहरु
यो दिन तीन वटा अलग अलग कम्पनीको सेयरमूल्यमा सकारात्मक सर्किट लागेको छ। जसमा आँखुखोला हाइड्रोपावर कम्पनी,समाज लघुवित्त वित्तीय संस्था,हिमालयन लघुवित्त वित्तीय संस्था रहेका छन् ।
यसैगरी,मीड सोलु हाइड्रोपावरको सेयरमूल्य ९.७८ प्रतिशतले बढेको छ। त्यसैगरी यो दिन सीईडीबी हाइड्रोपावरको सेयरमूल्य ८.२७ प्रतिशतले घटेको छ ।
त्यस्तै मोलुङ हाइड्रोपावरको सेयरमूल्य ७.२६प्रतिशतले घटेको छ । त्यस्तै बाराही हाइड्रोपावरको सेयरमूल्य ६.२५ प्रतिशतले घटेको छ ।
.png)
.jpg)
.jpg)
.jpg)
.gif)
