अर्थमन्त्रीले भने: 'आज सम्झाएर पठाइएको छ, काम सुचारु नभए सेबोनका कर्मचारीमाथि कारबाही हुन्छ'

काठमाण्डौ । अर्थमन्त्री डा. रामेश्वर खनालले नेपाल धितोपत्र बोर्ड(सेबोन)का कर्मचारीहरुले काम सुचारु नगरे कानून अनुसार कडा कारबाही हुने चेतावनी दिएका छन् । 

बिजशालासँग कुरा गर्दै अर्थमन्त्री खनालले मन्त्रालयले आज(सोमबार) सेबोनका उच्चपदस्थ कर्मचारीहरुलाई सम्झाई बुझाई गरेर पठाएको उल्लेख गर्दै भने- 'आज कुरा बुझाएर पठाएका छौं । भोलिदेखि पनि कामकाज नखोले प्रचलित कानूनबमोजिम कडा कारबाही हुन्छ ।' 

उनले जनताको काम यो वा त्यो बाहानामा रोक्ने र आफ्ना स्वार्थ लादेर जिम्मेवार निकायको कर्तव्य भूल्नेहरुप्रति सरकार कडा रुपमा प्रस्तुत हुने समेत प्रष्ट पारे ।