.gif)
(2).gif)
_(1).gif)
.png)
काठमाण्डौ । भारतीय धनाढ्य तथा रेमन्ड ग्रुपका अध्यक्ष गौतम सिंघानिया र ग्रुपका संस्थापक तथा गौतमका बुवा विजयपत सिंघानियाबीचको विवाद अन्त्य हुने संघारमा पुगेको छ । गौतम सिंघानियाले एक्समा विजयपत सिंघानियासँगको फोटो सेयर गरेसँगै बुवा–छोराबीचको ९ वर्ष पुरानो विवाद अन्त्य भएको अनुमान लगाइएको छ ।
गौतमले फोटो सेयर गर्दै लेखेका छन्,‘आज बुवालाई घरमा पाउँदा र उनको आर्शीवाद पाउँदा खुशी छु ।’ विजयपत सिंघानियाले सन् २०१५ मा आफ्ना छोरा गौतम सिंघानियालाई कम्पनीको बागडोर सुम्पिएका थिए ।
.gif)
कम्पनीको बागडोर गौतमको हातमा परेपछि बुवा–छोराबीच विवाद उत्पन्न भएको थियो । सन् २०१७ मा विजयपत सिंघानियाले आफ्नो छोराले मुम्बईमा उनको पारिवारिक सम्पत्ति जेके हाउस बिल्डिङबाट बाहिर निकालेको आरोप लगाएका थिए ।
गत वर्ष गौतम सिंघानिया आफ्नी श्रीमती नवाजसँग अलग भएका थिए । यसपश्चात विजयपत सिंघानियाको एउटा अन्तवार्ता आएको थियो । बिजनेश ट्ुडेमा दिएको अन्तवार्तामा उनले आफ्नो विरासत छोरालाई सुम्पेकोमा पश्चाताप व्यक्त गरेका थिए ।
अन्तवार्तामा उनले यस्तो भनेका थिए,‘मसँग अब केहि पनि छैन । मैले सबै कुरा उसलाइ्र्र दिए । गल्तीले मसँग केहि पैसा बचेको थियो । जसबाट आज म गुजारा चलाईरहेको छु । होइन भने म सडकमा हुन्थे । मलाई सडकमा देख्दा उ खुसी हुन्थ्यो होला । मलाई बाहिर निकाले जस्तै के उसले आफ्नी श्रमतीलाई पनि बाहिर निकाल्न सक्छ । ? आमाबुवाले आफ्ना सन्तानलाई सबै कुरा दिदा सावधान हुनपर्छ । आफु जिउँदो हुँदासम्म सबै सम्पत्ति सन्तानलाई सुम्पिनु गलत हुनसक्छ ।’
रेमेन्ड ग्रुप विश्वको सबैभन्दा ठूलो फ्याब्रिक उत्पादक कम्पनी हो । एजेन्सी
.png)
(1).gif)
.gif)
