_New.gif)
.gif)
.png)
काठमाण्डौ । एआई चिप बनाउने अमेरिकी कम्पनी एनभिडिया कर्पोरेशनको शेयरमा उकालो लाग्ने क्रम जारी छ । शुक्रबार ४ दशमलव १७ प्रतिशतले बढेर बन्द भयो ।
यो वर्षको पहिलो २० दिनमा करिब २७ प्रतिशतले बढेको छ । यस अवधिमा, यसको मार्केट क्याप २०० बिलियन डलरभन्दा बढीले बढेको छ ।
पहिलो पटक, कम्पनीको बजार पूंजीकरण १५० ट्रिलियन डलर नजिक पुगेको छ ।
गत वर्ष अगस्टमा एनभिडियाको मार्केट क्याप एक ट्रिलियन डलर पुगेको थियो। यसरी करिब छ महिनामा करिब ५ सय अर्ब डलरले वृद्धि भएको छ । योसँगै एनभिडिया मार्केट क्यापमा अमेजनको नजिक पुगेको छ ।
जेफ बेजोसको कम्पनी अमेजनको मार्केट क्याप १.६०५ ट्रिलियन डलर छ भने एनभिडियाको मार्केट क्याप १.४६९ ट्रिलियन डलर पुगेको छ । अमेजन हाल विश्वको पाँचौं सबैभन्दा मूल्यवान कम्पनी हो भने एनभिडिया छैटौं स्थानमा छ।
एनभिडियाको शेयरमा भएको वृद्धिका कारण अमेरिकाको शेयर बजार अहिलेसम्मकै उच्च विन्दुमा पुगेको छ । यो कम्पनी सन् १९९३ मा ताइवानमा जन्मेका जेन्सेन हुआंगद्वारा स्थापित भएको थियो। कम्पनीमा उनको ३.५ प्रतिशत सेयर हिस्सा रहेको छ ।
ह्वाङ ५२.७ बिलियन डलरको कुल सम्पत्तिका साथ विश्वका धनी व्यक्तिको सूचीमा २३ औं स्थानमा छन्।
सुरुमा यो कम्पनीले भिडियो गेम ग्राफिक्स चिप्स निर्माण गर्यो। कोरोना अवधिमा कम्पनीको सेयरमा भारी वृद्धि भएको थियो । क्रिप्टो बूमको कारण, यसको खननमा चिप्सको प्रयोगमा वृद्धि भएको थियो।
माइक्रोसफ्ट र गुगल जस्ता ठूला टेक कम्पनीहरूबीच एनभिडियाबाट बढीभन्दा बढी चिप्स लिन प्रतिस्पर्धा छ। साथै साउदी अरेबिया र युएईले पनि कम्पनीबाट हजारौं चिप्स खरिद गरिरहेका छन् ।
अघिल्लो वर्षको आम्दानीले रेकर्ड तोडेको थियो । यति मात्र होइन, चिनियाँ कम्पनी टेन्सेन्ट र अलिबाबा पनि एनभिडियाको ढोकामा उभिएका छन् । च्याटबोट र अन्य उपकरणको बढ्दो प्रयोगका कारण कम्पनीको सेयर आगामी दिनमा अझै बढ्ने अपेक्षा गरिएको छ ।
यो कम्पनी गत वर्ष सबैभन्दा धेरै रिटर्न दिने टेक स्टक थियो। यो कम्पनीको सेयरमूल्य गत वर्ष २३९ प्रतिशतले बढेको थियो । अक्टोबर २०२२ को न्यून स्तरपछि, यो ४०० प्रतिशत उफ्रिसकेको छ।
गत वर्ष, मेटा प्लेटफर्म अमेरिकामा उच्च रिटर्न दिने टेक स्टकहरू मध्ये दोस्रो स्थानमा थियो। यसको शेयर १९४ प्रतिशतले बढ्यो।
एलोन मस्कको इलेक्ट्रिक कार निर्माता टेस्लाको मूल्य १०२ प्रतिशतले बढेको छ। अमेजनको सेयर ८१ प्रतिशत, गुगलको मूल कम्पनी अल्फाबेटको ५९ प्रतिशत र माइक्रोसफ्टको ५७ प्रतिशतले बढेको छ ।
विश्वको सबैभन्दा मूल्यवान कम्पनी एप्पलले गत वर्ष ४८ प्रतिशत प्रतिफल दिएको थियो ।
-एजेन्सीहरुबाट
.png)
.jpg)
.jpg)
.gif)
