Nabil Bank Limited
Nabil Bank Limited
Bizshala

झिनो अंकले बढ्यो नेप्से,जानकार भन्छन्,‘संस्थागत लगानीकर्ताले अल्पकालिन लगानी गर्न पाउनुपर्छ’

Global IME Bank Limited
झिनो अंकले बढ्यो नेप्से,जानकार भन्छन्,‘संस्थागत लगानीकर्ताले अल्पकालिन लगानी गर्न पाउनुपर्छ’
Nabil Bank Limited

काठमाण्डौ । साताको अन्तिम कारोबार दिन आज नेपाल स्टक एक्सचेञ्च(नेप्से) मा झिनो अंकको वृद्धि भएको छ । आज बजार ४.७८ अंक अर्थात ०.२३ प्रतिशतले बढेर २०३५.६४ विन्दुमा पुगेको छ ।

यो दिन बलिया र राम्रा कम्पनीको मापक सेन्सेटिभ इन्डेक्स भने ०.१० प्रतिशतले घटेर ३५९.०९ विन्दुमा सीमित भएको छ । यो दिन नेप्सेमा सूचीकृत मध्ये ३१३ वटा कम्पनीको ६६ लाख १२ हजार ८८५ कित्ता सेयर २ अर्ब ६५ करोड ६९ लाख रुपैयाँभन्दा बढीको कारोबार भएको  छ । आज अघिल्लो दिनको तुलनामा कारोबार रकममा सुधार आएको छ । अघिल्लो दिन २ अर्ब २३ करोडको कारोबार भएको थियो ।  

आजको बजारबारे बजार जानकार उपेन्द्र पाठक भन्छन्, ‘अर्थमन्त्रीले बाचा गरे अनुरुप १० दिन बित्दा समेत पूँजी बजारको सुधारका लागि काम हुन सकेको छैन । राष्ट्र बैंकमा ६ खर्ब पैसा थुप्रिएको छ । राष्ट्र बैंकको नीतिले घरजग्गा,सेयरबजार र आयात निर्यात जस्ता क्षेत्रहरु ठप्प भएका छन् । यी क्षेत्रलाई चलायमान बनाई सरकारले पूँजी बजारमा संस्थागत लगानीकर्ताका लागि अल्पकालिन कारोबार सहज बनाउनुपर्छ र जोखिमभार घटाउनुपर्ने।’

पाठकले अहिलेको कठिन अवस्थाबाट बजारलाई उकास्नुपर्नेमा जोड दिए ।  

Shivam Cement
Sagarmatha Cement
Muktinath Bikas Bank Limited

अर्का बजार जानकार महेश रिजाल पनि बैंक तथा वित्तीय संस्थालाई अल्पकालिन कारोबार गर्न मिल्ने गरी नीतिमा परिवर्तन गुर्नपर्ने बताउँछन् । ‘सर्वोत्तम सिमेन्ट जस्ता कम्पनीको आईपीओबाट अर्बोै पैसा बजारबाट बाहिरिएको छ । तर बजारमा पैसा आउने वातावरण बनेको छैन । यहि कारण तत्काल कुनै सम्बोधन नभए बजार २ हजार विन्दुभन्दा तल पनि आउन सक्छ ।’रिजालले भने ।    

यो दिन नेप्सेमा सूचीकृत १३ वटा समूहमध्ये ८ वटा समूह बढे भने ५ वटा समूहमा गिरावट आयो । आज उत्पादन तथा प्रशोधन समूहमा सबैभन्दा धेरै वृद्धि देखिएको छ । यो समूह २.४० प्रतिशतले बढ्यो ।  

त्यस्तै विकास बैंक समूह ०.१६,वित्त ०.४८,हाईड्रो ०.३२,लगानी ०.८२,जीवन बीमा ०.२८,म्युचुअल फण्ड ०.३५ र अन्य समूह ०.२७ प्रतिशतले घटे ।  

यो दिन बैंकिङ समूह ०.१२,होटल ०.२४,लघुवित्त ०.४८ निर्जीवन बीमा ०.६६ र व्यापार समूह ०.१४ प्रतिशतले घटेको छ ।  

धेरै कारोबार गर्ने कम्पनीहरु

आज सर्वोत्तम सिमेन्टको सर्वाधिक सेयर कारोबार भयो । यो कम्पनीको आज १९ करोड २४ लाख बढीको सेयर कारोबार भयो । गोर्खाज फाइ्रनान्सको १५ करोड ९५ लाख बढीको सेयर कारोबार भएको आज शिवम् सिमेन्टको १५ करोड ३२ लाख,सोनापुर मिनरल्सको ११ करोड १७ लाख र पिपुल्स पावरको ६ करोड ६५ लाख बढीको सेयर कारोबार भएको छ ।  

धरै कमाउने र गुमाउने कम्पनीहरु

आज विन नेपाल लघुवित्त र सर्वोत्तम सिमेन्टको सेयरमूल्यमा सकारात्मक सर्किट लागेको छ । यी कम्पनीहरुको सेयरमूल्य क्रमशः१० र ९.९७ प्रतिशतले बढेको छ ।  

यो दिन हिमालयन हाईड्रोपावरको सेयरमूल्य ८.२२ प्रतिशत,सामलिङ पावरको ८.०७ र पिपुल्स पावरको सेयरमूल्य ७.०२ प्रतिशतले बढेको छ ।  

आज उन्नती सहकार्य र धौलागिरी लघुवित्तको सेयरमूल्य सर्वाधिक अर्थात १० प्रतिशतले घट्यो । १२० वटा कम्पनीको सेयरमूल्य बढेको आज ११५ कम्पनीको घट्यो भने १० वटाको सेयरमूल्यमा कुनै परिवर्तन भएन ।    

Nepal Investment Mega Bank Limited
Bizshala
Shikhar Insurance
CG Motors
IME remit
Mahalaxmi Development Bank
New Office

हाम्रो बारेमा

Bizshala.com is a leading financial news portal of Nepal run by SOS Media Pvt Ltd. It especially covers the economy, capital market, real estate, banks and financial institutions, merchant banks and various investment tools, insurance market, tourism, auto industry and other fresh and investigative news. Bizshala, which succeeded in becoming the country's leading economic news portal within a short period of its establishment, has the involvement of experienced and seasoned journalists in the financial field. We believe in investigative, factual and innovative news. We look at every news that the reader is interested in from an economic point of view.