_New.gif)
.gif)
.png)
काठमाण्डौ । भारतको विदेशी मुद्राको भण्डार हालसम्मकै उच्च स्तरमा पुगेको छ । भारतको विदेशी मुद्राको भण्डारमा लगातार पाचौं साता बढोत्तरी आएसँगै विदेशी मुद्राको भण्डार हालसम्मकै उच्च स्तरमा पुगेको हो ।
भारतको केन्द्रीय बैंक,रिजर्भ बैंक आफ इन्डिया(आरबीआई)का अनुसार मार्च २२ सम्म भारतको विदेशी मुद्राको भण्डार १४ करोड डलरले बढेर ६४२.६३१ अर्ब डलरको ऐतिहासिक उचाईमा पुगेको छ । यसको एक साताअघि मात्रै विदेशी मुद्राको भण्डारमा ६.३९६ अर्ब डलरको रेकर्डतोड बढोत्तरी हुँदै ६४२.४९२ अर्ब डलरको स्तरमा पुगेको थियो ।
यसलाई भारतको बजारप्रति विदेशी लगानीकर्ताको बढ्दो आकर्षणका रुपमा लिइएको छ । आरबीआईका अनुसार यो अवधिमा सुनको भण्डारणमा पनि वृद्धि भएको छ । जुन ३४७ मिलियन डलरबाट बढेर ५१.४८७ बिलियन डलरसम्म पुगेको छ । तर स्पेशल ड्राईभिङ राईट्स(एसडीआर) भने ५७ मिलियन डलरले घट्दै १८.२१९ अर्ब डलरमा सीमित भएको छ ।
यो अवधिमा भारतमा विदेशी प्रत्यक्ष लगानीमार्फत सबैभन्दा बढी क्यापिटल प्रडक्ट,अटोमोबाइल,फाइनान्स,टेलिकम र घर जग्गा सम्पत्तिमा लगानी भएको छ ।
यसअघि भारतको विदेशी मुद्राको भण्डार सन् २०२१ मा रेकर्डतोड उचाईमा पुगेको थियो । त्यसबेला भारतको विदेशी मुद्राको भण्डार ६४२.४५३ बिलियन डलर पुगेको थियो ।
.png)
.jpg)
.jpg)
.gif)
