.gif)
.png)
काठमाण्डौ । एउटा व्यक्तिले आफ्नो जीवनकालमा कति पटक सम्म चुनाव हार्ने क्षमता राख्न सक्ला ? पक्कै पनि यो प्रश्न देख्दा तपाईको मनमा नेपालका राष्ट्रपति रामचरण पौडेलको याद आउँछ होला । नआओस् पनि किन ? पौडेलले १७ पटकसम्म राष्ट्रपतिका लागि भएको निर्वाचन जो हारेका थिए ।
केहि मानिसहरुले कहिल्यै हार मान्दैनन् र प्रत्येकपटक नयाँ चुनौतीका लागि तयार रहन्छन् । यस्तै एक उदाहरण भारतको तमिलनाडु राज्यका पद्मराजन बनेका छन् । उनले १७ पटक होइन २३८ पटकसम्म निर्वाचन हारिसकेका छन् । उनी प्रत्येकपटक चुनाव हार्दा पनि पुनःचुनाव लड्न भने छाड्दैनन् ।
.gif)
यिनै पद्मराजन भारतमा यस वर्ष हुन गईरहेको लोकसभा चुनाव पनि लड्ने योजनामा छन् । तमिलनाडु राज्यको मेट्टुर मा बसोवास गर्ने पद्मराजनले भारतको स्थानिय चुनावदेखि लिएर राष्ट्रपतिको निर्वाचनसम्म लडिसकेका छन् । उनी भारतका प्रधानमन्त्री नरेन्द्र मोदी,पूर्व प्रधानमन्त्री अटल बिहारी बाजपेयी ,मनमोहन सिंह,कांग्रेसका सांसद राहुल गान्धी र अन्य थुप्रै मुख्यमन्त्री तथा मन्त्रीहरुविरुद्ध चुनावी मैदानमा उत्रिसकेका छन् । तर प्रत्येकपटक उनले हारको मात्रै सामना गर्नु परेको छ ।
५ पटक राष्ट्रपतिको चुनाव लडिसकेका पद्मराजनले ५ पटक उपराष्ट्रपति,३२ पटक लोकसभा,७२ पटक विधानसभा,३ पटक एमएलसी र १ पटक मेयर गरी अन्य कयौंपटक चुनाव लडिसकेका छन् ।
५५ वर्षिय डाक्टर के पद्मराजनसँग एमए उत्तिर्ण गरेको ड्रिगी छ । एजेन्सी
.gif)
.png)
.jpg)
.png)
.jpg)
.jpeg)
