_New.gif)
.gif)
.jpg)
.png)
काठमाण्डौ । नेपाल धितोपत्र बोर्ड (सेबोन)को पाइपलाइनमा ४ बीमा कम्पनी सहित १३ वटा कम्पनी हकप्रद सेयर निष्कासन अनुमतिको पर्खाइमा छन् ।
बोर्ड अध्यक्षबिहिन हुँदा लामो समयदेखि विभिन्न कम्पनीको आईपीओ, एफपीओ र हकप्रद सेयर निष्कासन प्रक्रिया रोकिएको छ । लामो समयपश्चात् सेबोनले साधारण सेयर निष्कासन गर्न कम्पनीहरुलाई अनुमति दिने तयारी समेत गरेको छ ।
हकप्रद निष्कासनको लागि चार वटा बीमा कम्पनी बोर्डको पाइपलाइनमा छन् । दुईवटा जीवन बीमा कम्पनी र दुईवटा निर्जीवन बीमा कम्पनीले चुक्तापुँजी बढाउन हकप्रदको बाटो रोजेर बोर्डमा अनुमतिको लागि निवेदन दिएका हुन् ।
चारवटा बीमा कम्पनीले कुल ४ अर्ब ५४ करोड ३३ लाख रुपैयाँ बराबरको हकप्रद निष्कासन गर्न लागेका हुन् । जीवन बीमातर्फ लाइफ इन्स्योरेन्स कर्पोरेशन ९नेपाल० र प्रभु महालक्ष्मी लाइफ छन् भने निर्जीवन बीमातर्फ एनएलजी इन्स्योरेन्स र नेको इन्स्योरेन्स छन् ।
नेपाल बीमा प्राधिकरणले जीवन बीमा कम्पनीलाई न्यूनतम ५ अर्ब र निर्जीवन बीमा कम्पनीलाई साढे २ अर्ब चुक्तापुँजी पुर्याउन निर्देशन दिएपछि उक्त चार कम्पनीले हकप्रदको बाटो रोजका हुन् ।
जीवन बीमातर्फ एलआइसी नेपालले कायम चुक्तापुँजीको ८८ प्रतिशत अर्थात १ः०।८८ अनुपातमा २ अर्ब ३४ करोड ६८ लाख रुपैयाँको २ करोड २४ लाख ६८ हजार कित्ता हकप्रद निष्कासनको लागि बोर्डमा निवेदन दिएको छ । हकप्रदपश्चात् कम्पनीको चुक्तापुँजी चुक्तापुँजी ५ अर्ब रुपैयाँ पुग्नेछ । हाल कम्पनीको चुक्तापुँजी २ अर्ब ६५ करोड ३२ लाख रुपैयाँ छ ।
त्यस्तै, प्रभु महालक्ष्मी लाइफले पनि कायम चुक्तापुँजीको १७ प्रतिशत हकप्रद सेयर निष्कासन गर्न सेबोनसँग अनुमति मागेको छ । कम्पनीले १ः०।१७ अनुपातमा ७३ करोड ३ लाख रुपैयाँ बराबरको ७३ लाख ३ हजार २०० कित्ता हकप्रद सेयर निष्कासन गर्न लागेको हो । हकप्रदपश्चात् कम्पनीको चुक्तापुँजी ५ अर्ब रुपैयाँ पुग्नेछ । हाल कम्पनीको चुक्तापुँजी ४ अर्ब २९ करोड रुपैयाँ छ ।
साथै निर्जीवन बीमातर्फ एनएलजी इन्स्योरेन्सले कायम चुक्तापुँजीको ६६ प्रतिशत हकप्रद निष्कासनको लागि बोर्डसँग अनुमति मागेको छ । कम्पनीले १०ः६।६ अनुपातमा ९६ करोड ३१ लाख २२ हजार रुपैयाँ बराबरको ९६ लाख ३१ हजार २२० कित्ता हकप्रद सेयर निष्कासन गर्न लागेको हो ।
कम्पनीको हकप्रदपश्चात २ अर्ब ५० करोड चुक्तापुँजी पुग्नेछ । कम्पनीको गत आवको मुनाफाबाट ५।५० प्रतिशत बोनस सेयरपश्चात् कायम चुक्तापुँजी १ अर्ब ५३ करोड ९५ लाख रुपैयाँ छ ।
त्यस्तै, नेको इन्स्योरेन्सले पनि कायम चुक्तापुँजीको २५ प्रतिशत हकप्रद निष्कासन गर्न बोर्डसँग अनुमति मागेको छ । कम्पनीले १ः०।२५ अनुपातमा ५० करोड ३० लाख ९० हजार रुपैयाँको ५० लाख ३० हजार ९०१ कित्ता हकप्रद सेयर निष्कासन गर्न लागेको हो ।
हकप्रदपश्चात् कम्पनीको चुक्तापुँजी साढे २ अर्ब पुग्नेछ । कम्पनीको हालको चुक्तापुँजी २ अर्ब १ करोड २३ लाख रुपैयाँ छ ।
.png)
.jpg)
.png)
.jpg)
.jpg)
.gif)
