.gif)
.png)
काठमाण्डौ । नेपाल इन्फ्रास्ट्रक्चर बैंक (निफ्रा) एकमात्र प्राइभेट पब्लिक पार्टनर सिपमा आधारति बैंक हो।
यो बैंकमा वभिन्नि प्राइभेट, पब्लिक र सर्वसाधारणको लगानी छ।
.gif)
कम्पनीमा ५ वटा वाणिज्य बैंकको २०.८९ प्रतशित, नेपाल सरकारको १० प्रतशित, १० वटा बीमा कम्पनीहरुको १८.९७ प्रतशित, अन्य १० प्राइभेट एन्ड पब्लिक कम्पनीहरुको ५.१५ प्रतशित, उद्यमीहरुबाट ४.९९ प्रतिशत गरी ६० प्रतशित संस्थापक र सर्वसाधारणबाट ४० प्रतशित गरी २१ अर्ब ६० करोड रुपैयाँको जारी पूँजी छ भने अधिकृत पूँजी ४० अर्ब रुपैयाँ छ। यो कम्पनी सन् २०१८ को जुनमा कम्पनी रजिस्ट्रारको कार्यालयमा दर्ता भएको थियो।
आधारभूत पक्ष :
चालू आर्थिक वर्ष २०८०/ ०८१ को दोस्रो त्रैमासिक प्रतिबेदन अनुसार कम्पनीको चुक्तापूँँजी २१ अर्व ६० कारोड रुपैयाँ छ । जगेडा कोषमा २ अर्ब ९१ करोड रुपैयाँ छ । यो भनेको अघिल्लो आवको तुलनामा ७५ प्रतिशत बढी हो । यस त्रैमासमा कम्पनीको खूद मूनाफा करिब ६९ करोड रुपैयाँ छ । कम्पनीको प्रतिसेयर आम्दानी ६.३९ रुपैयाँ छ ।
यो भनेको अघिल्लो आवको तुलनामा १० प्रतिशत कमी हो । कम्पनीको बुक भ्यालु ११३.४९ रुपैयाँ छ । यो भनेको अघिल्लो आवको यहि अवधिको तुलनामा ५ प्रतिशतले बढी हो । कम्पनीको रिर्टन अन इक्विटी ५.६३ प्रतिशत छ ।
यो भनेको अघिल्लो आवको यहि अवधिको तुलनामा करिब १५ प्रतिशतले कमी हो । यस हिसावले हेर्दा कम्पनीको यो अवधिमा जगेडा कोष बढेको छ भने अन्य सूचकमा गिरावट आएको छ । कम्पनीले पछिल्लो तीन वर्षमा १६ प्रतिशत लाभाँश घोषणा गरेको छ ।
प्राविधिक पक्ष :
फिएर एण्ड ग्रिड मिटरको आधारमा यो कम्पनी हाल ६५ को तहमा बुलिस सेन्टिमेन्टमा चलेको देखिन्छ । यस्तो विन्दु २० भन्दा तल गएको खण्डमा वियरिस र ६० भन्दा माथि गएमा बुलिस भन्ने बुझिन्छ ।
कम्पनीको ५२ साताको न्युन विन्दु १८२ रुपैयाँ छ भने उच्च विन्दु २४५ रुपैयाँ छ । हाल यो कम्पनीको दोस्रो बजारमा २२६ रुपैयाँमा अन्तिम कारोबार भएको छ ।
बोलिङगर ब्यान्ड, म्याक्डी र आरएसआई :
बोलिङगर ब्यान्डको आधारमा यो कम्पनी हाल केहि समय पहिले अपर ब्यान्डमा स्पिनिङ टप क्यान्डल बनाएर मध्य ब्यान्डमा आएको छ । आज केहि दिनको करेक्सनपछि मध्य ब्यान्डमा ग्रेभ स्टोन डोजी आकार बनाएको छ । यसले घट्ने क्रम रोकिन सक्ने बुझिन्छ ।
डेली बेसमा म्याक्डीमार्फत् नियाल्दा वियरिस क्रसओभर नजिक नजिक रहेको देखिन्छ तर भइसकेको अवस्था भने होइन । आरएसआई भने यो कम्पनी वियरिस डाइभर्जेन्स बनेको देखिन्छ । समग्रमा तीन वटै इन्डिकेटरबाट नियाल्दा यो कम्पनीको सेयर भाउ बोलिङगरको मध्य ब्यान्डअर्थात् २२० रुपैयाँमा टिक्न सक्छ । यदि यहाँबाट तल खसेमा भने तल्लो ब्यान्ड २०० रुपैयाँसम्म आउन सक्छ ।
पिभट विश्लेषणले सेयर तथा डेरिभेटिभको अधिकतम, न्यूनतम र अन्तिम मूल्यलाई आधार मानेर यसको भविष्यमा हुने मूल्यको उतारचढाव निकाल्दछ ।
बढेमा प्रतिरोध :
प्रतिरोध ३ –२८४
प्रतिरोध २ –२६८
प्रतिरोध १– २५३
पिभट प्वइन्ट : २३७
घटेमा सपोर्ट :
सपोर्ट १– २२२
सपोर्ट २– २०६
प्रतिरोध ३ –१९१
निष्कर्ष : आधारभुत रुपमा यो कम्पनीलाई नियाल्दा यो कम्पनीले पछिल्लो वर्षमा जगेडा कोषमा प्रगति गरेको देखिन्छ । तर रिर्टन अन इक्विटी, खूद मूनाफा र प्रतिसेयर आम्दानीमा भने गिरावट आएको छ ।
प्राविधिक रुपमा यो कम्पनीको सेयरको मुभमेन्टलाई हाल बोलिङगरको मध्य ब्यान्डमा सपोर्ट लिन आएको देखिन्छ । यो विन्दुमा सपोर्ट लिँदा कम्पनीको सेयर भाउ २२० रुपैयाँसम्म टिक्न सक्छ ।
तर यहाँबाट तल खसेमा भने कम्पनीको सेयर भाउ तल्लो ब्यान्ड २०० रुपैयाँसम्म आउन सक्छ । तर मध्य ब्यान्डमा लामो रातो क्यान्डलपछि ग्रेभ स्टोन डोजी आकार बनेको कारण मध्य ब्यान्डमा सपोर्ट लिन पनि सक्छ । फियर एण्ड ग्रीड मिटरमा भने यो कम्पनीको सेयर भाउ केहि समयदेखि बुलिस सेन्टिमेन्टमा चलेको देखिन्छ ।
(नोट : सेयर बजारमा लगानी जोखिमपूर्ण हुन्छ, यो विश्लेषण कारोबारको सिफारिस भने होइन ।)
.gif)
.png)
.jpg)
(1).png)
