_New.gif)
.gif)
.png)
काठमाण्डौ । विश्व धनाढ्यको सूचीमा इन्डोनेसियाली धनाढ्य प्रजोगो पंगेस्तुको उदय भएको छ । पंगेस्तुको सम्पत्ति एकै दिनमा ७.३२ प्रतिशतले वृद्धि भएको छ । फोर्ब्सको रियल टाइम बिलिनियर्स सूचीअनुसार उनको सम्पत्ति मार्च २ मा २.९ बिलियन डलरले वृद्धि भएर ४१.८ बिलियन डलर पुगेको छ । यससँगै उनी विश्वको धनाढ्यको सूचीमा २९ औं स्थानमा उक्लिएका छन् ।
यो दिन सबैभन्दा धेरै सम्पत्ति वृद्धि हुनेमा उनी पहिलो स्थानमा रहेका छन् । रबर व्यापारीका छोरा ७९ वर्षिय पंगेस्तुले सन् १९७० को दशकमा व्यवसाय सुरु गरेका थिए । उनको कम्पनी बारिटो प्यासेफिक टिम्बर(पछि बारिटो प्यासेफिकमा परिणत) सन् १९९३ मा सेयर बजारमा सूचीकृत भएको थियो । कम्पनीले सन् २००७ मा काठको कामबाट बाहिरिएको थियो । पंगेस्तु सन् २०२३ मा इन्डोनेशियाको दोस्रो धनी व्यक्ति बनेका थिए ।
यो दिन सबैभन्दा धेरै सम्पत्ति वृद्धि हुनेको दोस्रो स्थानमा भने मेटा कम्पनीको मालिक मार्क जुकरबर्ग छन् । उनको सम्पत्ति २.१ बिलियन डलरले बढेको छ । यससँगै उनको कुल सम्पत्ति १७४.४ बिलियन डलर पुगेको छ ।
तेस्रोमा जोङ सानसान रहेका छन् । एक दिनको अवधिमा उनको सम्पत्ति १.८ बिलियन डलरले बढ्दै ६४.३ बिलियन डलर पुगेको छ । उनी विश्वको धनाढ्यको सूच्रीमा २४ औं स्थानमा छन् ।
यस्तै भारतीय धनाढ्य गौतम अडाणीको सम्पत्ति पनि ९३८ मिलियन डलरले बढ्दै ८४.७ बिलियन डलर पुगेको छ । उनी विश्वको धनाढ्यको सूचीमा १७ औं स्थानमा यथावत छन् ।
यो दिन सबैभन्दा धेरै सम्पत्ति गुमाउनेमा एलन मस्क रहेका छन् । उनको सम्पत्ति २.४८ प्रतिशत अर्थात ४.८ अर्ब डलरले घट्दै १९०.२ बिलियन डलरमा सीमित भएको छ । उनी विश्वको धनाढ्यको सूचीमा तेस्रो स्थानमा रहेका छन् ।
दोस्रो स्थानमा जेफा बेजोस छन् । बेजोसको सम्पत्ति पनि २६३ मिलियन डलरले घट्दै १९८.७ बिलियन डलरमा झरेको छ ।
विश्वकी सबैभन्दा धनी महिला फ्रान्कोइज बेटेनकोर्टको सम्पत्ति १.६१ प्रतिशत अर्थात १.५ बिलियन डलरले घटेको छ । उनी ९४ बिलियन डलरका साथ विश्वको १५ औं धनी व्यक्तिको रुपमा रहेकि छिन् ।
यस्तै विश्वका शीर्ष धनाढ्उ बनार्ड अर्नल्टको सम्पत्ति पनि १.३६ प्रतिशत अर्थात ३.१ बिलियन डलरले कम भएको छ । २२२.४ बिलियन डलरका उनी विश्वको शीर्ष धनाढ्यको सूचीमा पहिलो स्थानमा छन् ।
.png)
.jpg)
.jpg)
.gif)
