(2).gif)
.jpg)
.png)
काठमाण्डौ । नेपाल बैंक लिमिटेडको नाफामा ९२.६७ प्रतिशतको भारी गिरावट आएको छ । बैंकले चालु आर्थिक वर्षको तेस्रो त्रैमाससम्म १३ करोड ५ लाख रुपैयाँ मात्रै खुद नाफा आर्जन गरेको छ । अघिल्लो आवको सोहि अवधिसम्म भने बैंकले १ अर्ब ७८ करोड रुपैयाँ खुद नाफा कमाएको थियो ।
बैंकको खुद ब्याज आम्दानी भने ४.३७ प्रतिशतले बढेको छ । बैंकले चैत मसान्तसम्म ६ अर्ब ७७ करोड रुपैयाँ खुद ब्याज आम्दानी गरेको छ । बैंकको खुद सञ्चालन आम्दानी ४ अर्ब ३३ करोड रुपैयाँ रहेको छ ।
बैंकले इम्पेयरमेन्ट चार्ज १४६.४५ प्रतिशतले बढाएको छ । बैंकले इम्पेयरमेन्ट चार्जका लागि ३ अर्ब ६६ करोड रुपैयाँ छुट्टाएको छ । बैंकको खराब कर्जा अनुपात ४.१६ प्रतिशतबाट बढेर ४.८५ प्रतिशत पुगेको छ ।
(2).gif)
.gif)
(1).gif)
बैंकको कर्मचारी खर्च २ अर्ब ७१ करोड र अन्य सञ्चालन खर्च ७६ करोड ११ लाख रुपैयाँ रहेको छ ।
बैंकको रिटेन्ड अर्निङ १ अर्ब ४ करोड रुपैयाँले ऋणात्मक रहेको छ । रिजर्भको आकार भने २१ अर्ब ८२ करोड रुपैयाँबाट बढेर २२ अर्ब ५६ करोड रुपैयाँ पुगेको छ ।
समीक्षा अवधिसम्म बैंकको प्रतिसेयर आम्दानी(ईपीएस) १.१८ रुपैयाँ, प्रतिसेयर नेटवर्थ २४६.४२ रुपैयाँ,मूल्य आम्दानी अनुपात १७९.४४ गुणा र तरलता अनुपात ३३.८३ प्रतिशत कायम भएको छ ।
.gif)
(1).gif)
.png)
.jpg)
.png)
.jpg)
.jpg)
