_New.gif)
.gif)
.jpg)
.png)
काठमाण्डौ । गोर्खाज फाइनान्स लिमिटेडको खुद नाफा ४०.०६ प्रतिशतले घटेको छ । कम्पनीले चालु आर्थिक वर्षको तेस्रो त्रैमाससम्म ५ करोड ४८ लाख रुपैयाँ खुद नाफा आर्जन गरेको छ । अघिल्लो आवको तेस्रो त्रैमासम्म कम्पनीले ९ करोड १५ लाख रुपैयाँ खुद नाफा कमाएको थियो ।
कम्पनीको खुद ब्याज आम्दानी पनि ७.६९ प्रतिशतले घटेको छ । अघिल्लो आवको तेस्रो त्रैमाससम्म २५ करोड ४७ लाख रुपैयाँ रहेको कम्पनीको खुद ब्याज आम्दानी २३ करोड ५१ लाख रुपैयाँमा सीमित बनेको छ ।
कम्पनीले २ करोड १ लाख रुपैयाँ इम्पेयरमेन्ट चार्जका लागि छुट्टाएको छ । चैत मसान्तसम्म कम्पनीको खुद आम्दानी ३४ करोड ६० लाख रुपैयाँबाट घटेर २८ करोड ५३ लाख रुपैयाँमा सीमित बनेको छ ।
यस्तै कम्पनीको रिटेन्ड अर्निङ ५९ करोड ४७ लाख रुपैयाँले ऋणात्मक रहेको छ । कम्पनीको रिजर्भको आकार पनि घटेको छ । अघिल्लो आवमा १ अर्ब ४ करोड रुपैयाँ रहेको रिजर्भ १ अर्ब २ करोडमा खुम्चिएको छ ।
कम्पनीको वितरणयोग्य मुनाफा ५९ करोड ४७ लाख रुपैयाँले ऋणात्मक रहेको छ ।
तेस्रो त्रैमाससम्म कम्पनीले ८ अर्ब ७४ करोड रुपैयाँबराबरको निक्षेप संकलन गरेको छ । साथै,यो अवधिसम्म कम्पनीले ५ अर्ब ९९ करोड रुपैयाँ कर्जा प्रवाह गरेको छ ।
समीक्षा अवधिसम्म कम्पनीको प्रतिसेयर आम्दानी(ईपीएस)८.४३ रुपैयाँ,प्रतिसेयर नेटवर्थ १५१.७१ रुपैयाँ,प्रतिसेयर कुल सम्पत्तिको मूल्य १ हजार २३१.६९ रुपैयाँ र तरलता अनुपात २९.५२ प्रतिशत कायम भएको छ ।
.png)
(1).jpg)
.jpg)
.png)
.gif)
