अप्पर स्याँङ्गे हाईड्रोपावरकी स्वतन्त्र सञ्चालक ज्ञवालीको कार्याकाल समाप्त

काठमाण्डौ । अप्पर स्याँङ्गे हाईड्रोपावर लिमिटेडकी स्वतन्त्र सञ्चालक दिपिका ज्ञवालीको कार्यकाल समाप्त भएको छ । कम्पनीले एक विज्ञप्ती जारी गर्दै ज्ञवालीको कार्यकाल समाप्त भएकाले कम्पनीको स्वतन्त्र सञ्चालक पद रिक्त रहेको जानकारी दिएको छ ।

जेठ २५ गते बसेको कम्पनीको सञ्चालक समितिको बैठकले दिपिका ज्ञवालीलाई उक्त पदमा अर्को कार्यकालका लागि निरन्तरता दिने प्रस्ताव गरेकोमा ज्ञवालीले सो पदमा निरन्तर रहन इच्छुक नरहेको बताएकी थिइन् ।

कम्पनीले अब स्वतन्त्र सञ्चालक पदका लागि प्राप्त आवेदनहरुको अध्ययन तथा विश्लेषण गरी योग्य तथा सक्षम व्यक्तिलाई उक्त पदमा नियुक्त गरिने कम्पनीले जनाएको छ । उक्त छनौट प्रक्रिया पुरा नहुँदासम्मका लागि कम्पनीको स्वतन्त्र सञ्चालक पद रिक्त रहने कम्पनीले जनाएको छ ।