Nabil Bank Limited
Nabil Bank Limited
Bizshala

भद्रगोल कम्पनी: वितरणयोग्य मुनाफा चुक्तापूँजीको झण्डै आधाले ऋणात्मक, नेटवर्थ उस्तै बिजोग, सेयरमूल्य चाहिँ ३०० भन्दा बढी !

Global IME Bank Limited
भद्रगोल कम्पनी: वितरणयोग्य मुनाफा चुक्तापूँजीको झण्डै आधाले ऋणात्मक, नेटवर्थ उस्तै बिजोग, सेयरमूल्य चाहिँ ३०० भन्दा बढी !
Nabil Bank Limited

काठमाण्डौ । नकारात्मक कुरा गर्ने कतिपयले भन्ने गर्छन् नेपालको सेयर बजार जूवाघर जस्तै हो । समग्रमा यो कुरा सही नहोला, तर कतिपय कम्पनीको सेयरमूल्य र त्यसको वास्तविक वित्तीय अवस्था हेर्ने हो भने खेलाडीहरुले जे पनि गर्न मिल्ने र सर्वसाधारणलाई सहजै फसाउन मिल्ने नेपालको सेयर बजार साच्चिकैको जूवाघर नै पो हो कि भन्ने कतिपयलाई लाग्नसक्छ ।  

सेयर बजार जूवाघर त होइन, तर कतिपय कमजोर कम्पनी र त्यसमा हुने चलखेलहरुलाई  नियामकहरुले पनि नजरअन्दाज गर्दा जूवाघर भन्दा कम देखिन्न कहिलेकाही ।  

वित्तीय रुपमा टाट पल्टिने अवस्थाबाट गुज्रिरहेको एउटा कम्पनी हो: समृद्धि फाइनान्स । 

Shivam Cement
Sagarmatha Cement

एकपटक टाट पल्टिएर पुनः तंग्रिने प्रयास गरिरहेको यो कम्पनीमा अपेक्षित सुधार हुन सकेको छैन । राष्ट्रबैंकले यो कम्पनीभित्र गडबडका भएका भन्दै उजुरीहरु परेपछि सुक्ष्म ढंगले हेरिरहेको छ । उस्तै परे पुनः टेकओभरसम्म हुनसक्ने अवस्था छ ।  

त्यति मात्र होइन, कम्पनीका पछिल्ला वित्तीय सूचकहरु पनि डामाडोलकै अवस्थामा छन् । तर, यो कम्पनीको दोश्रो बजार मूल्यको कुरा गर्ने हो भने जोकोही चकित पर्नसक्छ ।  

पहिला कुरा गरौं, समृद्धि फाइनान्सको ताजा वित्तीय विवरणको । यो कम्पनीको चालु आर्थिक वर्षको दोश्रो त्रैमाससम्ममा २ करोड १३ लाख रुपैयाँले खूद घाटामा छ । १ करोड १४ लाख बढी सञ्चालन घाटामा छ ।  

उच्च व्यवस्थापनका अधिकारीहरु व्यक्तिगत स्वार्थ र साना–साना लोनका फाइलमा समेत कमिसनको खेतीपातीमा लाग्दा मुख्य व्यवसाय संकुचित अवस्थामा छ । परिणाम स्वरुप अघिल्लो आर्थिक वर्षको यही अवधिसम्म ४ करोड ४६ लाख रुपैयाँ रहेको खूद ब्याज आम्दानी घटेर समीक्षा अवधिमा ३ करोड ५८ लाखमा सीमित बन्न पुगेको छ ।  

कम्पनीको वार्षिकीकृत प्रतिसेयर आम्दानी २ रुपैयाँ ६१ पैसाले नेगेटिभ छ ।  

कुल ८१ करोड ८९ लाख चुक्तापूँजी रहेको यो कम्पनीको दोश्रो त्रैमाससम्मको वितरणयोग्य नाफा ४८ करोड बढीले ऋणात्मक छ ।  

प्रतिसेयर नेटवर्थ ७० रुपैयाँको हाराहारीमा मात्र छ ।  

तर, दोश्रो बजारको सेयरमूल्य नि ? कुरै नगर्नुस् । यो कम्पनीको सेयरमूल्यमा कम्पनीकै उच्च अधिकारी र सेयर खेलाडीहरुले लामो समयदेखि खेल्दै आएका छन् । फलस्वरुप अहिले पनि समृद्धि फाइनान्सको दोश्रो बजार मूल्य प्रतिकित्ता रु. ३०० भन्दा बढी छ ।  

यो कम्पनीको सेयरमूल्य जनवरी १६ मा बढाएर प्रतिकित्ता ३३५ रुपैयाँसम्म पुर्याइएको थियो ।  

दोश्रो बजारमा यो कम्पनीको ८१ लाख ८९ हजार ११४ कित्ता सेयर सूचीकृत छन् । ठूला वित्तीय संस्थाको तुलनामा सेयरको सप्लाई कम भएका कारण समृद्धि फाइनान्सको मूल्यमा सधैं खेल हुने गरेको छ ।  

समृद्धि फाइनान्सभन्दा धेरै राम्रो अवस्थामा रहेका वाणिज्य बैंक र विकास बैंकहरुको सेयरमूल्य २०० रुपैयाँभन्दा तल छ । तर, खेलाडी र कम्पनीकै उच्च अधिकारीहरुको राम्रो गठजोडको प्रभावले समृद्धि फाइनान्सको मूल्य भने लामो समयदेखि प्रतिकित्ता ३०० रुपैयाँभन्दा माथि छ ।  

लगानीकर्ता पनि कम्पनीको अवस्थाको विषयमा पर्याप्त अध्ययन नै नगरी अरुले भनेको भरमा संस्थागत कुशासनले जेलिएको र आर्थिक रुपमा चौपट कम्पनीको सेयर निस्फिक्री किनिरहेका छन् ।  

समृद्धि फाइनान्सका एक उच्च अधिकारीले कम्पनी वित्तीय रुपमा डामाडोल हुँदा समेत सेयरमूल्य माथि रहनुलाई आफूले आश्चर्यको रुपमा हेरेको दाबी गर्छन् । ‘प्रतिसेयर नेटवर्थ नै ७०–७५ को हाराहारीमा छ । अब लगानीकर्ता त्यही चिजलाई ३०० भन्दा बढी मूल्य हाल्छन् भने हाम्रो केही भन्नुछैन । हामी कम्पनीकै मान्छे पनि नेपालको सेयर बजार र लगानीकर्ता देखेर बेला–बेला चकित पर्छौ ।’ ती अधिकारीले भने ।  

Nepal Investment Mega Bank Limited
Shikhar Insurance
CG Motors
New Office

हाम्रो बारेमा

Bizshala.com is a leading financial news portal of Nepal run by SOS Media Pvt Ltd. It especially covers the economy, capital market, real estate, banks and financial institutions, merchant banks and various investment tools, insurance market, tourism, auto industry and other fresh and investigative news. Bizshala, which succeeded in becoming the country's leading economic news portal within a short period of its establishment, has the involvement of experienced and seasoned journalists in the financial field. We believe in investigative, factual and innovative news. We look at every news that the reader is interested in from an economic point of view.