_New.gif)
.gif)
.png)
काठमाण्डौ । विदेशी लगानीकर्ताले भारतीय सेयर बजारबाट गत साता १९ महिना यताकै धेरै रकम निकालेका छन् । भारतीय सेयर बजारमा देखिएको वृद्धिको फाइदा उठाउँदै विदेशी लगानीकर्ताहरुले प्रफिट बुक गर्न अत्यधिक मात्रामा सेयर बिक्री गरेका हुन् ।
विदेशी लगानीकर्ताले गत एक सातामा मात्रै २.४ अर्ब डलरबराबरको भारतीय सेयर बिक्री गरेका छन् । जुन सन् २०२२ जुन महिनापछिकै सबैभन्दा उच्च हो । यस्तै मंगलबार पनि विदेशी लगानीकर्ताले ३७४ लाख डलरबराबरको सेयर बिक्री गरेका छन् । सोमबार भने भारतीय सेयर बजार बन्द थियो ।
यो साता हङकङको सेयर बजारलाई उछिन्दै भारतको सेयर बजार ४.३ खर्ब डलरको बजार पूँजीकरणका साथ चौथो स्थानमा उक्लिएको थियो । तर भारतको बजारको यो अग्रता भने लामो समय टिक्न भने सकेन । चिनीयाँ नीति निर्माताहरुले सेयर बजारको उत्थानका लागि राहात प्याकेजको घोषणा गरेपछि हङकङको सेयर बजारले भारतलाई पछि पारेको छ ।
सन् २०२३ मा विदेशी लगानीकर्ताले भारतीय सेयर बजारमा २१ अर्ब डलरभन्दा बढी रकम लगानी गरेका थिए । जसका कारण भारतीय बजारले नयाँ–नयाँ उचाईहरु चुमिरहेको छ ।
यदि चीनले सेयर बजारको उत्थानका लागि अघि सारेको राहात प्याकेजले नियामकको कडाई र अमेरिकासँगको तनाव कम गर्यो भने भारतीय सेयर बजारले चीनमाथि बनाईरहेको अग्रता कम हुन सक्ने विश्लेषकहरुले बताएका छन् ।
भारतको बजारले केहि नियमकारी कठिनाईको सामना गर्नुपर्ने अवस्था आउन सक्ने भएकाले विदेशी लगानीकर्ता टाढिने सम्भावना पनि विश्लेषकहरुले औँल्याएका छन् । भारतको सेयर बजार नियामक‘सेक्युरिटीज बोर्ड अफ इण्डिया’(सेबी) कडा आलोचनाका बाबजुत पनि प्रत्यक्ष विदेशी लगानीमा कडा नियमहरु अपनाउन प्रतिवद्ध देखिन्छ ।
विश्लेषकका अनुसार केहि मुख्य भारतीय कम्पनीहरुको निराशाजनक नतिजाका कारण पनि स्थानिय बजारको मुड थप स्विङ हुने देखिन्छ । भारतका ठूला बैंकहरुको कर्जा प्रवाहमा सुस्तता आएको छ । यस्तै देशकै ठूलो कम्पनी रिलायन्स इन्डिस्ट्रीजले पनि आफ्नो परम्परागत तेल व्यापारबाट केमिकल व्यापारमा हात हालेपछि कम्पनीमा यसको नकारात्मक प्रभाव परेको छ । -एजेन्सी
.png)
.jpg)
.jpg)
.gif)
