Nabil Bank Limited
Nabil Bank Limited
Bizshala

नेपालको हवाई क्षेत्रमा लगानीको योजनामा अडानी ग्रुप, विमानस्थल व्यवस्थापन तथा निर्माणमा चासो

Global IME Bank Limited
नेपालको हवाई क्षेत्रमा लगानीको योजनामा अडानी  ग्रुप, विमानस्थल व्यवस्थापन तथा निर्माणमा चासो
Nabil Bank Limited

काठमाण्डौ । भारतीय धनाढ्य गौतम अडानीको अडानी ग्रुपले नेपालको विमानस्थल क्षेत्रमा लगानीका साथै दुई प्रमुख विमानस्थलको व्यवस्थापन सम्हाल्ने योजना बनाएको छ ।  

समाचार एजेन्सी आईएएनएसले अडानी ग्रुपले नेपालको हवाई क्षेत्रमा लगानीको प्रस्ताव गरेको जनाएको हो ।  

Sagarmatha Cement
Muktinath Bikas Bank Limited

यो महिना गुजरातमा भाइब्रेन्ट गुजरात सम्मेलनमा भाग लिने क्रममा अडानी ग्रुपका अध्यक्ष गौमत अडानीसँगको भेटघाटमा नेपालका अर्थमन्त्रि रामशरण महतले गौतम अडानीले नेपालमा लगानी गर्ने प्रस्ताव गरेको बताएका थिए । अडानीले मुख्यतः उर्जा र विमानस्थल व्यवस्थापनको क्षेत्रमा लगानी गर्ने इच्छा जाहेर गरेको महतले बताएका थिए ।  

अडानी ग्रुपले नेपालको भैरहवा अन्तराष्ट्रिय विमानस्थल र त्रिभुवन अन्तराष्ट्रिय विमानस्थल समेत गरी अन्य दुई विमानस्थलको व्यवस्थापन लिने योजना बनाएको आइएएनएसले आफ्नो रिपोर्टमा उल्लेख गरेको छ ।  

अर्थमन्त्रि महतले गौतम अडानीलाई आगामी अप्रिल महिनामा आयोजना हुने नेपाल लगानी शिखर सममेलनमा सहभागी हुन निमन्त्रणा समेत गरेको रिपोर्टमा उल्लेख छ ।  

अडानीसँगको भेटमा उनले नेपालको त्रिभुवन अन्तराष्ट्रिय विमानस्थलको विस्तार र सञ्चालन,भैरहवा विमानस्थलको व्यवस्थापन र बारा निजगढ विमानस्थलको निर्माणमा इच्छा जाहेर गरेको अर्थमन्त्रि महतले बताएका थिए ।  

आईएएनएसको रिपोर्टका अनुसार नेपालका संस्कृति,पर्यटन तथा नागरिक उड्डयनमन्त्रि सूदन किरातीले सरकारले सबै तीन वटा अन्तराष्ट्रिय विमानस्थल व्यवस्थापन गर्न र निजगढ विमानस्थल निर्माण गर्न प्याकेज निर्माणका लागि अध्ययन भईरहेको बताएका छन् ।  

अडानी ग्रुपले भारतमा कयौँ विमानस्थलहरु व्यवस्थापन गरिरहेको छ । तर ग्रुपको भारत बाहिर भने नेपालमा पहिलोपटक लगानी हुनेछ ।  

Nepal Investment Mega Bank Limited
Bizshala
Shikhar Insurance
CG Motors
IME remit
Mahalaxmi Development Bank
New Office

हाम्रो बारेमा

Bizshala.com is a leading financial news portal of Nepal run by SOS Media Pvt Ltd. It especially covers the economy, capital market, real estate, banks and financial institutions, merchant banks and various investment tools, insurance market, tourism, auto industry and other fresh and investigative news. Bizshala, which succeeded in becoming the country's leading economic news portal within a short period of its establishment, has the involvement of experienced and seasoned journalists in the financial field. We believe in investigative, factual and innovative news. We look at every news that the reader is interested in from an economic point of view.