.gif)
.png)
काठमाण्डौ । पारिवारिक ट्रस्ट टोटेनहम हटस्पर फुटबल क्लबको स्वामित्व भएका बेलायतका अर्बपति जो लुइसलाई अमेरिकी अदालतले इन्साइडर ट्रेडिङको लागि दोषी ठहर गरेको छ।
८६ वर्षीय लुइसलाई आफ्नो कम्पनीको जानकारी आफ्ना निजी पाइलट, साथी, व्यक्तिगत सहायक र रोमान्टिक साझेदारहरूलाई दिएको आरोप लगाइएको थियो।
.gif)
अमेरिकी अधिकारीहरूले ठगीबाट लुइसले करोडौं डलर नाफा कमाएको बताएका छन्।
लुइस षड्यन्त्र र सेक्युरिटीज ठगीको दुईवटा मुद्धामा दोषी ठहर भएका छन् ।
लुईसले लगानी फर्म ट्याभीस्टक ग्रुपको स्थापना गरेका थिए । सम्पत्ति, खेलकुद, वित्त, ऊर्जा र जीवन विज्ञान कम्पनीहरूमा यो फर्मको ठूलो स्वामित्व छ ।
लुईस सन् २०२३ सन्डे टाइम्सको धनाढ्यको सूचीमा ३९ औं स्थानमा थिए । उनको सम्पत्तिको अनुमानित मूल्य ५ अर्ब पाउण्डभन्दा धेरै थियो ।
उनलाई जुलाई २०२३ मा गिरफ्तार गरिएको थियो र धितोपत्र ठगीको १६ वटा र षड्यन्त्रको तीनवटा मुद्धाको आरोप लगाइएको थियो।
लुईसलाई सन् २०१३ देखि २०२१ सम्म कम्पनीको बोर्ड बैठकको भित्री सूचनाहरु आफ्ना नजिकका व्यक्तिहरुलाई प्रदान गरेको आरोप लगाइएको थियो । यसमार्फत उनले करोडौँ डलर आर्जन गरेका थिए ।
सन् २०१९ मा कम्पनीको क्लिनीकल परीक्षणको नतिजा आउनु अघि नै लुईसले आफ्नी प्रमिकालाई एउटा बायोटक कम्पनीमा लगानी गर्न सुझाव दिएका थिए ।
उनले प्रमिकाको बैंक खाता चलाएर त्यस कम्पनीमा ७ लाख डलर लगानी गरेका थिए । जसबाट उनले ८ लाख ४९ हजार डलर मुनाफा आर्जन गरेका थिए ।
त्यस्तै उनले भित्री सूचनाका आधारमा आफ्ना पाइलटलाई कम्पनीमा ५ लाख डलर लगानी गर्न लगाएका थिए । -एजेन्सी
.gif)
.png)
.jpg)
