Nabil Bank Limited
Nabil Bank Limited
Global IME Bank Limited

नेष्डो समृद्ध लघुवित्तद्वारा सदस्यको पेन्सन बचत दोब्बर भुक्तानी

Hyundai Nepal
नेष्डो समृद्ध लघुवित्तद्वारा सदस्यको पेन्सन बचत दोब्बर भुक्तानी
Nabil Bank Limited

काठमाण्डौ । नेष्डो समृद्ध लघुवित्त वित्तीय संस्थाले आफ्ना सदस्यहरुको पेन्सन बचत दोब्बर भुक्तानी गरेको छ । संस्थाको विरौटा शाखामा आबद्ध केन्द्र नं. ३१ सितापाईला महिला व्यवसायिक केन्द्रका ५ जना सदस्यको पेन्सन १५ वर्षपछि दोब्बर भुक्तानी गरेको संस्थाले जनाएको छ ।  

सो केन्द्रमा आबद्ध महिला सदस्यहरु रसकला नेपाली, हरिमाया राना मगर, सुनिता राना मगर, गिता कुमारी आले र सरिता श्रेष्ठलाई पेन्सन योजना वापतको बचत रकम दोब्बर रकम भुक्तानी गरेको विरौटा शाखा प्रमुख लक्ष्मी गाहाले बताईन् ।  

पोखरा –१५ प्रगति टोलका सो सदस्यहरु २०६५ साल चैत ११ गते नेष्डो समृद्ध लघुवित्त संस्थामा जोडिएका थिए ।  

पेन्सन योजनामा सहभागी हुने बचतकर्ताहरुले आम्दानीको क्षमता र सदस्यको स्वइच्छाअनुसार बचत गर्न सकिने व्यवस्था छ । नेष्डो समृद्ध लघुवित्तले पनि संस्थामा आबद्ध आफ्ना सदस्यहरुलाई मासिक एकसय, दुईसय र पाँचसय रुपैयाँसम्म पेन्सन योजनामा बचत गराउँदै आइरहेको छ ।  

सोअनुसार संस्थाले उक्त ५ जना सदस्यको प्रतिव्यक्ति १०० रुपैयाँका दरले मासिक रुपमा पेन्सन बचत गराई १५ वर्षसम्म प्रतिव्यक्ति १८ हजार रुपैयाँ जम्मा गराएको थियो । संस्थाले १५ वर्ष अवधिपछि प्रतिव्यक्ति १८ हजार रुपैयाँको दोब्बर रकम ३६ हजार रुपैयाँ भुक्तानी गरेको छ ।  

यसर्थ संस्थाले ५ जना सदस्यलाई एकमुष्ट एक लाख ८० हजार रुपैयाँ भुक्तानी गरेको गाहाले बताईन् ।  

Shivam Cement
Sagarmatha Cement

पेन्सन योजना बमोजिम संस्थाले आफ्ना सदस्यहरुलाई बचत गर्न प्रोत्साहन गर्दै आएको संस्थाका कामु सीईओ युधिष्ठिर भुषाल शर्माले बताए । संस्थाको नीति नियमअनुसार नियमित बचत गर्ने सदस्यहरुलाई दोब्बर पेन्सन रकम भुक्तानी गरेको शर्माले बताए ।  

नेष्डो समृद्ध लघुवित्त संस्थाले आफ्ना सदस्यहरुको पेन्सन योजनामार्फत सदस्यको इच्छाअनुसार रकम बचत गराउँदै आइरहेको छ । पेन्सन योजनामा रहेको व्यवस्थाबमोजिम संस्थामा आबद्ध संदस्यले नियमित बचत गर्दै आएको खण्डमा संस्थाले उक्त सदस्यलाई १५ वर्षपछि बचतको दोब्बर रकम भुक्तानी गर्ने संस्थाले जनाएको छ ।  

साथै संस्थामा आबद्ध महिला सदस्यको दोब्बर पेन्सन नपाउँदै यदि मृत्यु भएमा जम्मा बचत रकम र ब्याजसहित निजको हकवालालाई एकमुष्ट रकम भुक्तानी हुने व्यवस्था छ ।

Nepal Investment Mega Bank Limited
Shikhar Insurance
CG Motors

हाम्रो बारेमा

Bizshala.com is a leading financial news portal of Nepal run by SOS Media Pvt Ltd. It especially covers the economy, capital market, real estate, banks and financial institutions, merchant banks and various investment tools, insurance market, tourism, auto industry and other fresh and investigative news. Bizshala, which succeeded in becoming the country's leading economic news portal within a short period of its establishment, has the involvement of experienced and seasoned journalists in the financial field. We believe in investigative, factual and innovative news. We look at every news that the reader is interested in from an economic point of view.