(1).gif)
(1).gif)
.png)
काठमाण्डौ। विभिन्न सामाजिक सञ्जालमा हल्ला फैलिए जस्तो ब्रोइलर कुखुराको रोग मानिसमा पनि लाग्न सक्ने तथ्यमा कुनै सत्यता नरहेको नेपाल भेटेरिनरी एशोसिएशनले स्पष्ट पारेको छ । एशोसिएशनले एक प्रेस विज्ञप्ती जारी गर्दै यस्तो जनाएको हो ।
एशोसिएशनका अध्यक्ष डा. रामकृष्ण खतिवडा र महासचिव डा. केदार सुवेदीले संयुक्त रूपमा जारी गरेको विज्ञप्तिमा सामाजिक ‘सञ्जालमा ब्रोइलर कुखुरामा लागेको रोग मानिसमा पनि देखापरेको छ’ भन्ने भनाइमा कुनै सत्यता नरहेको स्पष्ट पारेका छन् ।
केही व्यक्तिले वैज्ञानिक तथ्य र कारणबिना नै सामाजिक सञ्जालमा भ्रामक फोटो पोष्ट गरी जनमानसमा त्रास सिर्जना गरेको र यसप्रति गम्भिर ध्यानाकर्षण भएको विज्ञप्तिमा उल्लेख छ ।
‘बोइलर कुखुराको मासु सेवनबाट बजारमा हल्ला फैलिए जस्तो कुनै पनि रोग मानिसमा सर्दैन,’ विज्ञप्तिमा भनिएको छ । यस्ता नकारात्मक र गलत जानकारीमा विश्वास नगर्न पनि एशोसिएशनले आग्रह गरेको छ ।
भ्रामक र अवैज्ञानिक जानकारीलाई सामाजिक सञ्जालमा सम्प्रेषण गर्ने काम तत्काल बन्द गर्न र गलत जानकारी प्रवाह गर्ने व्यक्तिलाई तत्काल कारबाही गर्न पनि एशोसिएशनले माग समेत गरेको छ ।
(1).gif)
(1).gif)
(2).gif)
.png)
.gif)
.jpg)
.jpg)
