Nabil Bank Limited
Nabil Bank Limited
Bizshala

भिनफास्टको ईभी कारमा देखिएको कमजोरीका कारण ४ जनाको मृत्यु भएको घटनाको अनुसन्धान गरिने

Global IME Bank Limited
भिनफास्टको ईभी कारमा देखिएको कमजोरीका कारण ४ जनाको मृत्यु भएको घटनाको अनुसन्धान गरिने
Nabil Bank Limited

काठमाण्डौ । भियतनामी अटो निर्माता भिनफास्टको ईभी कारमा देखिएको कमजोरीका कारण एकै परिवारका ४ जनाको मृत्यु भएको विषयमा अनुसन्धान हुने भएको छ । अमेरिकाको अटो सुरक्षा अनुसन्धानकर्ताहरुले क्यालिफोर्नियाको प्लिएसान्तोनमा गत अप्रिल २४ मा भिनफास्टको भीएफ८ ईभी कार दुर्घटनामा एकै परिवारका ४ जनाको मृत्यु भएको घटनाकोअनुसन्धान गरिने बताएका हुन् ।  

अमेरिकाको ‘नेशनल हाईवे ट्राफिक सेफ्टी एडमिनीस्ट्रेशन(एनएचटीएसए)’ले अप्रिल २४ मा भएको उक्त दुर्घटना के कति कारणले भएको भन्ने बारे अनुसन्धान हुने जनाएको छ । उक्त दुर्घटनाको विषयमा कम्पनीविरुद्ध दर्ता गरिएको आरोपमा कारको स्टेरिङमा समस्या आएका कारण दुर्घटना भएको जनाइएको छ । उक्त कार दुर्घटनामा चालक दम्पत्ति र उनीहरुका १३ र ९ वर्षिय सन्तानको पनि मृत्यु भएको थियो ।  

उक्त दुर्घटनापश्चात अप्रिल २९ मा चालकका सहपाठीले यसअघि छुट्टै घटनामा उक्त कारको स्ट्ररिङ आफै दायाँतर्फ मोडिएको तर त्यसबेला भने नियन्त्रण कायम गर्न सकिएको र सोही घटना पुनः दोहोरिएको हुनसक्ने भन्दै कम्पनीविरुद्ध एनएचटीएसएमा उजुरी दर्ता गरेका थिए ।  

Shivam Cement
Sagarmatha Cement

प्लिएसान्तोनको प्रहरीले भने चालकले नियन्त्रण गुमाएका कारण कार ठूलो रुखसँग ठोकिएको र उच्च गति नै यसको मुख्य कारक रहेको जनाएको छ ।  

भियतनामी अटो निर्माता भिनफास्टले सन् २०२३ देखि अमेरिकी बजारमा ईभी कार बिक्री वितरण गरिरहेको छ ।    

एनएचटीएसएले वार्षिक रुपमा नयाँ उदयिमान प्रविधि र अन्य सम्भावित अटो सुरक्षाका विषयसँग सम्बन्धित १०० भन्दा बढी कार क्र्यासका बारेमा अनुसन्धान गर्ने गरेको छ ।  -एजेन्सी

Nepal Investment Mega Bank Limited
Shikhar Insurance
CG Motors
New Office

हाम्रो बारेमा

Bizshala.com is a leading financial news portal of Nepal run by SOS Media Pvt Ltd. It especially covers the economy, capital market, real estate, banks and financial institutions, merchant banks and various investment tools, insurance market, tourism, auto industry and other fresh and investigative news. Bizshala, which succeeded in becoming the country's leading economic news portal within a short period of its establishment, has the involvement of experienced and seasoned journalists in the financial field. We believe in investigative, factual and innovative news. We look at every news that the reader is interested in from an economic point of view.