Nabil Bank Limited
Nabil Bank Limited
Bizshala

एप्पल पहिलोपटक उक्लियो चिनीयाँ स्मार्टफोन बजारको शीर्ष स्थानमा, हुवावेले पनि गर्‍यो पुनरागमन

Global IME Bank Limited
एप्पल पहिलोपटक उक्लियो चिनीयाँ स्मार्टफोन बजारको शीर्ष स्थानमा, हुवावेले पनि गर्‍यो पुनरागमन
Nabil Bank Limited

काठमाण्डौ । आईफोन निर्माता अमेरिकी कम्पनी एप्पल चीनमा पहिलोपटक सबैभन्दा ठूलो स्मार्टफोन बिक्रेता बनेको छ । बिहिबार सार्वजनिक भएको सन् २०२३ को तथ्यांकका अनुसार एप्पल ढुवानीका आधारमा चिनीयाँ बजारमा सबैभन्दा ठूलो बिक्रेता बन्न सफल भएको हो ।  

Shivam Cement
Sagarmatha Cement
Muktinath Bikas Bank Limited

‘इन्टरनेसनल डेटा कर्पोरेशन(आईडीसी)’का अनुसार सन् २०२३ मा चीनमा आईफोनको बजार हिस्सा १७.३ प्रतिशत थियो ।  

यद्यपी एप्पलको समग्र स्मार्टफोनको ढुवानी भने २.२ प्रतिशतले घटेको आईडीसीले जनाएको छ ।

यस्तै, कम्पनीको समग्र बजारपनि ५ प्रतिशतले घटेको तथ्यांकमा उल्लेख छ । ढुवानी भनेको एप्पलले तेस्रो पक्ष बिक्रेतालाई पठाउने उपकरणहरु हो । र यसले कम्पनीको प्रत्यक्ष बिक्रीसँग सम्बन्ध राख्दैन । यद्यपी यसलाई मागको संकेतका रुपमा लिइन्छ ।  

तेस्रो पक्ष च्यानलमा समयमै मूल्य प्रवद्धन गरेकाले माग वृद्धि हुन गई कम्पनीले चीनको बजारमा यो सफलता हासिल गरेको आईडीसी चीनमा वरिष्ठ अनुसन्धान विश्लेषकका रुपमा कार्यरत आर्थुर गुओले बताए ।  

चौथो त्रैमासमा चीनमा धेरैजसो अनलाइन प्लेटफर्महरुले आइफोन १५ मा छुटको व्यवस्था गरेका थिए । यसलाई निरन्तरता दिन एप्पलले आफ्नो वेवसाइटमा पनि चीनमा आईफोन १५ मा छुटको दुलर्भ व्यवस्था गरेको छ ।  

अनिश्चित आर्थिक वातावरण र ग्राहकहरुको कमजोर खर्च गर्ने क्षमताका कारण चीनको स्मार्टफोन बजार नराम्ररी प्रभावित बनेको छ ।  

सन् २०२३ मा चीनको स्मार्टफोन बजारमा हुवावेले दोस्रो स्थान ओगटेको छ । गत वर्ष चीनको बजारमा कम्पनीको बजार हिस्सा १६.८ प्रतिशत कायम भएको छ । जुन एप्पलको भन्दा केहि कम हो ।  

यससँगै कम्पनीले चिनीयाँ बजारमा शीर्ष ५ भित्र पुनरागमन गरेको छ । कम्पनी २ वर्षभन्दा बढी अवधिका लागि शीर्ष ५ को सूचीबाट बाहिरिएको थियो  ।  

हुवावे कुनैबेला चीन र विश्वकै सबैभन्दा ठूलो स्मार्टफोन उत्पादक थियो । तर अमेरिकाको प्रतिबन्ध पश्चात भने कम्पनीको ओरालो यात्रा सुरु भएको थियो ।  -एजेन्सी


Nepal Investment Mega Bank Limited

यो पनि हेर्नुहोस

CG Motors
New Office
Mahalaxmi Development Bank
Shikhar Insurance
IME remit

हाम्रो बारेमा

Bizshala.com is a leading financial news portal of Nepal run by SOS Media Pvt Ltd. It especially covers the economy, capital market, real estate, banks and financial institutions, merchant banks and various investment tools, insurance market, tourism, auto industry and other fresh and investigative news. Bizshala, which succeeded in becoming the country's leading economic news portal within a short period of its establishment, has the involvement of experienced and seasoned journalists in the financial field. We believe in investigative, factual and innovative news. We look at every news that the reader is interested in from an economic point of view.