.gif)
.jpg)
.png)
काठमाण्डौ । अमेरिकी धनाढ्य तथा टेस्ला कम्पनीका मालिक एलन मस्कले कृत्रिम बौदिकता(एआई)ले मानिसको सबै रोजगारी खोस्ने र यो चिन्ताको विषय नभएको बताएका छन् । मस्कले बिहिबार एआईसम्बन्धी प्रविधि सम्मेलनमा यस्तो बताएका हुन् ।
पेरिसमा भएको ‘भिभाटेक २०२४’मा वेवक्याममार्फत बोल्दै मस्कले भविष्यमा कामहरु वैकल्पिक हुने बताएका छन् । ‘भविष्यमा सायद हामी कसैसँग पनि काम हुने छैन । यदि तपाई काम गर्न चाहनुहुन्छ भने त्यो केवल रुची(हबी) मात्रै हुनेछ । अन्यथा एआई र रोबोटले तपाईले चाहेका सबै वस्तु र सेवाहरु उपलब्ध गराउनेछ,’ मस्कले भने ।
तर यो अवस्थामा काम गर्नका लागि भने विश्वभर उच्च आम्दानी हुन आवश्यक भएको मस्कले बताए ।
पछिल्लो समय एआईको क्षमता तीव्र गतिमा वृद्धि भईरहेको छ । एआईको यो छलाङले नियामक, कम्पनी तथा उपभोक्ताहरुलाई जिम्मेवारपूर्ण रुपमा कसरी एआईको प्रयोग गर्न सकिन्छ भन्ने अन्यौला सिर्जना गरिदिएको छ । एआईको बढ्दो प्रभावले विश्वभरका उद्योग र रोजगार क्षेत्रलाई कस्तो प्रभाव पार्छ भन्ने सर्वत्र चासोको विषय बनेको छ ।
.gif)
गत जनवरी महिनामा एमआईटीका अनुसन्धानकर्ताहरुले वर्कप्लेसहरुले एआईको प्रयोग अपेक्षा गरिएभन्दा सुस्त दरमा अपनाईरहेको रिपोर्ट सार्वजनिक गरेका थिए । उक्त रिपोर्टमा एआईले प्रभाव पार्न सक्ने भनिएका सम्भावित कामहरु रोजगारदाताहरुका लागि आर्थिक रुपमा फाइदाजनक नभएको जनाइएको थियो ।
विज्ञहरुले पनि उच्च भावनायुक्त बौदिकता र मानव अन्तरक्रिया आवश्यक पर्ने कामहरुलाई एआईले प्रतिस्थापन गर्न नसक्ने दाबी गरेका छन् । मानसिक स्वास्थ्य विज्ञ,सिर्जनात्मक कार्य र शिक्षकहरुको काम एआईले प्रतिस्थापन गर्न नसक्ने विज्ञहरुले बताएका छन् । -एजेन्सी
.gif)
.png)
.jpg)
