.gif)
(2).gif)
_(1).gif)
काठमाण्डौ । यो साता सेयर बजारमा ४ दिन कारोबार भयो । यो साता कारोबार भएको ४ दिनमा बजार ४ दिन नै बढ्यो । अघिल्लो साता २०१८.७६ को विन्दुमा बन्द भएको बजार यो साता २१३१.४९ विन्दुमा बन्द भएको छ । यस हिसावले यो साता सेयर बजारमा ११२.७३ अंकले बजारमा बढोत्तरी आएको छ । अघिल्लो साता बजार ५२.५३ अंकले बढेको थियो । यस हिसावले २ सातामा बजार १६५.२६ अंकले बढेको छ । यो साता दोस्रो बजारमा २१.९९ अर्बको कारोबार भएको छ ।
अघिल्लो साता सेयर बजारमा १८.५९ अर्बबराबरको कारोबार भएको थियो । यस हिसावले यो साता पनि दोस्रो बजारमा नेप्से सूचक र कारोबार दुबै बढेको छ । यो साता बजार पूँजीकरण ३३ खर्ब १८ अर्ब पुगेको छ । अघिल्लो साता बजार पूँजीकरण ३२.१८ खर्ब रहेको थियो । यस हिसाबले यो साता बजार बढ्दा बजार पूँजीकरण पनि १ खर्ब ६१ अर्बले बढेको छ ।
प्राविधिक पक्षः
डाउ थेउरीको आधारमा
पछिल्लो पटकको बजारलाई डाउ थेउरीबाट नियाल्दा गत वर्षको माघ ३ गते बजार उच्च विन्दु २२१५ बाट खसेको थियो । त्यहाँबाट खसेको बजारले तीनपटक १९५० को विन्दुमा सपोर्ट लिएर ट्रिपल बटम बनायो । अर्थात बजारे यो बिन्दुलाई बलियो सपोर्टको विन्दु बनाएको छ । पछिल्लो पटक १९५० बाट माथि लागेको बजारले यो साता २०४० को विन्दुबाट माथि लागेर डाउ थेउरीमा नयाँ हायर–हाई बनाएको छ । अर्को कोणबाट बजारलाई नियाल्दा यहाँनेर बजारले डबल बटम पनि निश्चित गरेको छ । यस हिसाबले यो साता बजार २०४० बाट माथि लागेर दिशा परिवर्तन गर्न खोजेको देखिन्छ । यसको अर्थ यो साता २१३१ विन्दुमा बन्द भएको बजार हायर हाई र हायर लोका सिरिज बनाउँदै अप ट्रेन्ड लिन सक्छ ।
.gif)
बोलिङगर ब्याण्ड म्याक्डी र आरएसआई
डेली बेसमा बजारलाई बोलिङगर ब्याण्डको आधारमा हेर्दा यो साता बजार अपर ब्याण्डसँगै हिडेको छ । अपर ब्याण्ड र लोवर ब्याण्डको दुरी बढेकोले बजारमा उच्च भोलाटिलिटी देखिन्छ । म्याक्डीमा बुलिस क्रसओभर भ्यालिड नै रहेको छ । हिस्टोग्राम सकरात्मक र लामा–लामा हुँदै गएका छन् । आरएसआई ओभर बट जोन ७५ मा पुगेको छ । अघिल्लो पटक यस्तो विन्दु ८० को तहमा पुगे पछि बजारमा करेक्सन आएको थियो । समग्रमा ३ वटै इन्डिकेटरबाट नियाल्दा बजारमा आगामी साता केही दिनको बढोत्तरी पछि सामान्य नाफा बुक हुन सक्छ ।
पिभट् प्वइन्ट
पिभट विश्लेषण भनेको सेयर तथा डेरिभेटिभको अधिकतम, न्यूनतम र अन्तिम मूल्यलाई आधार मानी यसको भविष्यमा हुने मूल्यको उतारचढाव निकालिन्छ।
बढेमा प्रतिरोध
प्रतिरोध ३ –२१४४
प्रतिरोध २ –२०७५
प्रतिरोध १– २०५०
पिभट प्वइन्टः २००२
घटेमा सपोर्ट
सपोर्ट १– १९५७
सपोर्ट २– १९०८
सपोर्ट ३ –१८६४
निष्कर्ष ः अघिल्लो साता ५२ अंकले बढेको बजारमा यो साता ११२.७३ अंकले सुधार आएको छ । गएको २ सातामा भने बजार १६५ अंकले बढ्यो । यो बीचमा कारोबार पनि सुधार आएको छ । बजारमा यो साता करिब २२ अर्बको सेयर कारोबार भयो । यस हिसावले हेर्दा लामो समय घटेको बजारमा यो साता कारोबार र सूचक दुबैमा सुधार आएको छ । प्राविधिक रुपमा पनि यो साता बजारको अवस्था राम्रो देखिएको छ । यो साता बजारले २०४० को विन्दुलाई ब्रेक गरेर माथि लागेर नयाँ हायर हाई बनाएको छ । अर्थात यहाँबाट बजारले आफ्नो क्यारेक्टर चेञ्ज गरेको छ । यो साता २१३१ विन्दुमा मा बन्द भएको बजारमा आगामी दिनमा पनि बढोत्तरी आउँछ भने बजारले २१७० देखि २१९० विन्दुमा प्रतिरोधको सामाना गर्न सक्छ । त्यहाँ बाट पनि माथि लाग्छ भने अर्को प्रतिरोध बजारले २२४० आसपासमा लिन सक्छ ।
नोटः सेयर बजारमा लगानी जोखिपूर्ण हुन्छ, यो विश्लेषण कारोबारका लागि सिफारिस भने होइन ।
(197).jpg)
(59).jpg)
(1)(1).jpg){kind=logo}
(1).gif)
.gif)
