.gif)
.png)
काठमाण्डौ । मे १४ को एकाबिहानै अमेरिकाको मेरील्याण्डको बेथेस्डाकी विकी हिल उनको घरबाहिरको विस्फोटको आवाजबाट ब्यूँझिइन् । केही पछि मात्र उनले त्यस्तो विस्फोटको आवाज डाइभवेमा पार्क गरेर राखिएको निशान कम्पनीको २०१५ मोडलको निशान मुरानो नामको एसयूभी फेमिली कारबाट आएको थाहा पाइन् । उनले आफ्नै कारमाथि ह्वारह्वार्ती आगो लागेको समेत एकाबिहानै देख्नुपर्यो ।
'आवाज सुन्नेबित्तिकै मलाई लाग्यो कि कोही व्यक्ति हाम्रो घरभित्र स्लेजह्याम्मर लिएर पस्न खोजिरहेको छ । डरले मैले तुरुन्तै मेरा श्रीमानलाई उठाएँ र केही गलत भइरहेको जानकारी दिएँ ।' सिएनएनसँग उनले भनिन्त्य-'सपछि ऊ दौडिएर तल गयो र चिच्यायो–९११ मा कल गरिहालौं, करमा आगो दन्किरहेको छ ।'
.gif)
विकी हिलको परिवारले घरको डोरबेल नजिकको सीसीटिभी फूटेज सिएनएनलाई उपलब्ध गराएको छ, जहाँ कारमा आगो लाग्नुअघि धूँवा उठेको देखिएको छ । धूँवा धेरै आएपछि कारमा आगो उठेको समेत देखिएको छ ।
निशानको मुरानोको यो कारमा भएको आगलागीको कारण अझैसम्म पत्ता लाग्न सकेको छैन । निशान कम्पनीले समेत कारमा भएको आगलागीको सो डरलाग्दो घटनाको अनुसन्धान गरिरहेको सिएनएनको समाचारमा उल्लेख छ । अमेरिकास्थित राष्टिय राजमार्ग टाफिक प्रशासनले पनि आगलागीको विषयमा अनुसन्धान जारी राखेको समाचारमा उल्लेख गरिएको छ ।
'हाम्रा ग्राहकहरुको सुरक्षा हाम्रो प्राथमिक चिन्ताको विषय हो ।' निशानका प्रवक्ताले आगलागीको विषयमा सोधिएको एक इमेलको जवाफमा लेखेका छन्हा-'मीले यो घटनाको गहिरो अनुसन्धान गरिरहेका छौं ।'
निशानले सन् २०१६ र २०१९ मा बिक्री भइसकेका हजारौं मुरानो कारलाई फिर्ता बोलाएको थियो । त्यसबेला ब्रेक फ्लूइड चुहावटको समस्या देखिएको थियो । यही समस्याका कारण गाडी पार्क गरिएकै ठाउँमा आगो लाग्नसक्ने समेत कम्पनीले त्यसबेलै चेतावनी दिइसकेको थियो ।
आगलागीको जोखिम रहेको भन्दै कारलाई मर्मत नगरेसम्म आफ्नो सवारी साधनलाई घरभन्दा बाहिर, केही पर मात्र पार्क गर्न भनिएको थियो ।
हिल्स दम्पत्तिले खरीद गरेको कार समयमै मर्मत नगरेको हुनसक्ने कम्पनीका स्थानीय प्रतिनिधिहरुले दाबी गरेका छन् । तर, उनीहरुले भने कारको समयमै मर्मत गरेको दाबी गर्न छाडेका छैनन् ।
फिलिप हिलले ग्यारेज मिलाउँदै थिए, त्यसैले दम्पतीका दुईवटा कार ड्राइभवेमा पार्क गरिएका थिए। अन्यथा, मुरानो घरको छेउमा रहेको ग्यारेज भित्र पार्क गरिएको हुन्थ्यो ।
'तपाईले भिडियोबाट देख्न सक्नुहुन्छ, त्यो गाडी घरको धेरै नजिक छ' फिलिप हिलले सीएनएनलाई भने-'केही मिनेटपछि कारमा लागेको आगो घर माथि जान सक्थ्यो।'
जलिरहेको निसानको तीव्र आगोले परिवारको अर्को कार मर्सिडीज सी–क्लासको छेउमा पनि क्षति पुर्याएको छ । आगोको क्षतिका कारण अर्को कार समेत प्रयोग गर्न नसकिने अवस्थामा पुगेको रिपोर्टमा जनाइएको छ ।
निसानले यसलाई अझ नजिकबाट अध्ययन गर्न बुधबार आगो लागेको मुरानोलाई लगेको थियो ।
पहाडको अवस्था हेर्दा अचम्म लाग्न सक्छ, गाडीमा आगलागी हुनु सामान्य होइन। सन् २०२२ मा, संयुक्त राज्य अमेरिकामा अनुमानित १ लाख ८८ हजार ५०० कार र ट्रकमा आगलागी भएको थियो । यो वर्ष प्रत्येक दिन ५०० भन्दा बढी कार र टकमा आगलागी भएको देखिन्छ । यो वर्ष भेइकलमा आगलागीका् घटनामा परी ६१० नागरिकले ज्यान समेत गुमाएका थिए ।
.gif)
.png)
.jpg)
.jpg)
