Nabil Bank Limited
Nabil Bank Limited
Bizshala

ग्राउण्ड जीरोका लगानीकर्ता युद्ध हारेको सिपाही झै निराश

तर ब्रोकर भन्छन्-‘अपर तामाकोशीको पैसा आएपछि बजार बढ्छ’

Global IME Bank Limited
ग्राउण्ड जीरोका लगानीकर्ता युद्ध हारेको सिपाही झै निराश
Nabil Bank Limited

काठमाण्डौ । साताको पहिलो कारोबार दिन आइतबार(आज) बिहानैदेखि बजार के होला भन्ने लगानीकर्तामा कौतुहुलता देखिन्थ्यो । प्रत्येक साता झै हामीले आज पनि ब्रोकर हाउससम्म पुगेर लगानीकर्ता तथा ब्रोकरहरुको मनोविज्ञान मापनको प्रयास गरेका छौं । यो क्रममा आजको ग्राउण्ड जीरोको सुरुवात ज्ञानेश्वरस्थित सुमेरु सेक्युरिटिज(ब्रोकर नम्बर ३९)बाट गर्यौं ।  

यहाँ हामी पुग्दा बजार खुल्दै थियो, लगानीकर्ता आउने क्रम जारी थियो । ब्रोकरहाउसमा लगानीकर्ताको उपस्थिति खचाखच थियो । यत्तिकैमा एक लगानीकर्ताले भने-'यो हिमालय रिइन्स्योरेन्सको पुँजी बढाउने हल्ला छ नि ।'

उनीसँगै बसेका अर्का लगानीकर्ताले थपे-'नेपाल रि  इन्स्योरेन्सको पनि त्यसै भनेर मूल्य प्रतिकित्ता १८०० पुर्याए । कुन कुराको विश्वास गर्नु ख्वै ? हिजो एउटा अनलाइन पोर्टलले त लेखेको थियो ।' 

उनीसँगै बसेका अर्का एक लगानीकर्ताले भने-'रिइन्स्योरेन्सको  पूँजी त कमै हो, बढाउनैपर्ने हो ।'  

 

Shivam Cement
Sagarmatha Cement

यही ब्रोकरमा भेटिएका केही लगानीकर्ताहरु रिलायबल नेपाल लाइफ र सोना कम्पनीको चर्चा गरिरहेका थिए । अन्य केही भने हाथवे इन्भेष्टमेन्ट नेपाल  र हिमालयन रिइन्स्योरेन्सको चर्चामा तल्लीन थिए ।  

यही ब्रोकरमा एक लगानीकर्ताले 'एचआरएलको  सेयर भाउ कति पुग्ला ?' भनेर सोधे ।

उनलाई ठट्यौली पारामा जवाफ दिँदै एक लगानीकर्ताले भने-' बाँदरको घाउ, कुकुरको बाउ र सेयरको भाउ कसले भन्न सक्छ र ? जति पनि पुग्न सक्छ । क्षणभरमै त्यहाँ हाँसोको माहौल बन्यो।'  

यस ब्रोकरमा केही लगानीकर्ताले जग्गाको पनि चर्चा गर्दै थिए । ती लगानीकर्ताले भन्दै थिए-'काठमाण्डौको भन्दा पनि आसपासका डाँडाको भाउ पो आकासिएछ त । आनाकै  तीसलाख रुपैयाँ भन्छन् । म त हिजो छालिङ(चाँगुनारायण नगरपालिका)तिर घुम्न गएको जग्गाको भाउ सुनेर झण्डै बेहोस भइँन भन्या ।'

यसै ब्रोकरमा केही लगानीकर्ताले बजार धेरै तल नखस्ने दाबी गर्दै गरेको पनि भेटियो । यस बेलासम्म दिनको १२ बजिसकेको थियो । बजारको चाल निकै सुस्त थियो ।  

केही समयपछिको बसाइँपछि हामी नक्सालस्थित सनी सेक्युरिटिज(ब्रोकर नम्बर ४२) मा पुग्यौं । यहाँ पनि लगानीकर्ताहरुको उपस्थिति राम्रै थियो । बजार सामान्य अंकले घटेको थियो । एक लगानीकर्ताले डिस्प्ले बोर्डतिर हेरेर भने-'ख्वै यो बजार कहिले बढ्ने हो ? म त नेप्से ३२ सय हुँदा फसेको छु । त्योबेला धेरैले बजार ३६ सय पुग्छ भने ।  एनटीसीलाई नै प्रतिकित्ता १६ सय रुपैयाँभन्दा माथि परेको छ ।'  

bizshala on Ground Zero

उनीसँगै बसेकी एक महिला लगानीकर्ताले ठट्यौली पारामा भनिन्-'म पनि त्यही ३२०० को समयमा प्रवेश गरेका मान्छे हो, फसेको फस्यै भइयो । बैंक किनेको, लगभग सबैमा हिरबिजोग अवस्था छ ।'  

यस बेलासम्म दिउँसोको १ बजिसकेको  थियो । बजार समान्य अंकले तलमाथि गर्दै थियो । लय समात्न सकस भोगिरहेको बजारतर्फ आँखा तन्काउँदै ती लगानीकर्ताले थप्दै भने-'सेयरबाट कमाउन लेखेकै रहेनछ ।  अपर तामाकोशीको सेयरमा १४० रुपैयाँमा अक्सन हालेको, १४६ रुपैयाँ कटअफ भयो ।'  

ब्रोकरहाउसमा यस्तै गलफत्ती चल्दै थियो । योसँगै बजार बिस्तारै घट्दै थियो । ती लगानीकर्ता निरश अनुहारमा कालो झोला भिरेर ब्रोकर हाउसबाट निस्किए ।  

केही समयको बसाइँपछि हामी कमलादीस्थित मल्ल एण्ड मल्ल सेक्युरिटिज(ब्रोकर नम्बर ११)मा पुग्यौं । यस बेलासम्म दिनको एक बजिसकेको थियो । बजार झिनो अंकले घटेको थियो । यहाँ पनि लगानीकर्ता निराश र युद्ध हारेको सिपाही झै कुसन र चकटीको सिरानी बनाएर ब्रोकरहाउसमा पल्टिरहेको देखिन्थे । त्यहाँ मधुर संगीत पनि बजिरहेको सुनियो । यही ब्रोकरहाउसका एकजना लगानीकर्ता बजारप्रति आशावादी देखिए । उनले भने-'बजार ७ दिनदेखि घटेको छ । आज बढ्न पनि सक्छ ।'  

त्यहाँ हामीले केही समय ब्रोकरसँग पनि बजारको पछिल्लो अबस्थाको बिषयमा कुराकानी गर्यौं । ती ब्रोकरले आज बजार फर्कनसक्ने आँकलन गरे । उनले थप्दै भने-'दिनको साढे एक बजेसम्म पनि कारोबार बढेको छैन । यो भनेको घटेर बेच्न नचाहनेको ठूलै जमात सक्रिय छ भन्ने हो । लगानीकर्ताको हातमा अपर तामाकोशीको  अक्सनमा हालेको करिब १०-१५ अर्ब पैसा छ ।' बाँडफाँडमा नपरेको त्यो पैसा फिर्ता आएपछि बजार चलायमान हुनसक्ने पनि उनले आँकलन गरे । 

हामी सञ्चालकलाई भेटेर माथिबाट तल झर्दै गर्दा बजार बिस्तारै माथि बढ्दै थियो, ब्रोकरहाउसमा लगानीकर्ता थपिने क्रम पनि बाक्लिदै थियो ।  

Nepal Investment Mega Bank Limited
Shikhar Insurance
CG Motors
New Office

हाम्रो बारेमा

Bizshala.com is a leading financial news portal of Nepal run by SOS Media Pvt Ltd. It especially covers the economy, capital market, real estate, banks and financial institutions, merchant banks and various investment tools, insurance market, tourism, auto industry and other fresh and investigative news. Bizshala, which succeeded in becoming the country's leading economic news portal within a short period of its establishment, has the involvement of experienced and seasoned journalists in the financial field. We believe in investigative, factual and innovative news. We look at every news that the reader is interested in from an economic point of view.