Nabil Bank Limited
Nabil Bank Limited
Bizshala

लचिलो मौद्रिक नीतिको पूर्वतयारी सुरु, सबै आरोपबाट मुक्त हुने गभर्नरको चाहना

Global IME Bank Limited
लचिलो मौद्रिक नीतिको पूर्वतयारी सुरु, सबै आरोपबाट मुक्त हुने गभर्नरको चाहना
Nabil Bank Limited

काठमाण्डौ । नेपाल राष्ट्रबैंकले मौद्रिक नीतिको पूर्वतयारी थालेको छ ।  

अर्थमन्त्री वर्षमान पुनले जेठ १५ गते संघीय संसदको संयुक्त बैठकमा प्रस्तुत आगामी आर्थिक वर्षको बजेटका लक्ष्यहरुलाई सपोर्ट गर्ने खालको केही लचिलो मौद्रिक नीति केन्द्रीय बैंकले यसपटक बनाउन लागेको छ । त्यसकै पूर्वतयारी सुरु भएको हो ।  

यो क्रममा राष्ट्रबैंकले सर्वसाधारण तथा सरोकारवालाहरुलाई समेत आगामी मौद्रिक नीतिका लागि रायसुझाव माग गर्दै सार्वजनिक सूचना प्रकाशन गरेको छ ।  

आर्थिक वर्ष २०८१/८२ को मौद्रिक नीतिका लागि आफ्ना राय सुझावहरु राष्टबैंकको आर्थिक अनुसन्धान विभागमा आइपुग्ने गरी पठाउन भनिएको छ । 

Shivam Cement
Sagarmatha Cement

राष्ट्रबैंकका गभर्नर महाप्रसाद अधिकारी कार्यकालको अन्तिम समयमा छन् । उनले प्रस्तुत गर्ने अबको मौद्रिक नीति नै उनको अन्तिम मौद्रिक नीति हुनेछ । यसकारण यसअघिका मौद्रिक नीतिमा गरिएका कतिपय अस्वभाविक कडाईका कारण चौतर्फी आलोचित गभर्नर महाप्रसाद अधिकारीका लागि आफूमाथि थोपिरएका सयौं आरोपहरुलाई सेफल्याण्ड गर्ने उपयुक्त अवसरको रुपमा समेत अबको मौद्रिक नीतिलाई हेरिएको छ ।  

पछिल्लो समय देशको अर्थतन्त्रमा केही आशाका किरणहरु देखिन थालेका छन् । बैंकिङ प्रणालीमा तरलता थुप्रिएको छ भने अर्थतन्त्रको बाह्य क्षेत्र लामो समयदेखि लगातार सुधारमा छ । ब्याजदर निरन्त घट्दो छ । मौद्रिक नीतिले आन्तरिक अर्थतन्त्र चलायमान बनाउन कर्जा माग बढाउने गरी लचिलो नीतिहरु लिने राष्ट्रबैंककै अधिकारीहरु बताउँछन् ।  

गभर्नर स्वयम्ले पनि मौद्रिक नीतिका तयारी बैठकहरुमा राष्ट्रबैंकका कार्यकारी निर्देशकहरुलाई यस विषयमा प्रष्ट संकेत दिइसकेका छन् । ‘आगामी आर्थिक वर्षको मौद्रिक नीति निकै लचिलो आउने आशा गर्न सकिन्छ ।’ राष्ट्रबैंकका एक कार्यकारी निर्देशकले बिजशालासँग भने–‘सेयर बजार, रियल स्टेट लगायतलाई सुस्तताको दलदलबाट उकास्ने र आन्तरिक अर्थतन्त्रलाई चाँडै लयमा ल्याउने खालको नीति ल्याउनुपर्ने आवश्यकता छ । यो विषयलाई गभर्नर सा’बले राम्रोसँग बुझ्नुभएको छ । फेरि जाँदा जाँदैको मौद्रिक नीति पनि टाइट ल्याएर उहाँ थप आलोचित हुन चाहनुहुन्न । सी ग्रेडका गभर्नर, असक्षम गभर्नर, राजनीतिक पूर्वाग्रह राखेर काम गर्ने गभर्नर जस्ता तमाम आरोपबाट पनि उहाँले सफाई पाउनुपर्नेछ ।’  

हालको सरकारमा एमाले सबैभन्दा ठूलो दल हो । गठबन्धन सरकार भए पनि माओवादी केन्द्रबाट अर्थमन्त्री बनेका वर्षमान पुनसँग गभर्नरको राम्रो सम्बन्ध छ । आफ्नो विचारसँग मेल खाने दल सरकारमा सहभागी भएको र गठबन्धन सरकारले अर्थतन्त्र चलायमान बनाउने प्रतिबद्धता सार्वजनिक गरेकोले त्यसलाई सपोर्ट मिल्ने गरी सकेजति लचिलो मौद्रिक व्यवस्थाहरुसहितको नीति ल्याउने पक्षमा गभर्नर रहेका छन् ।  

Nepal Investment Mega Bank Limited
Shikhar Insurance
CG Motors
New Office

हाम्रो बारेमा

Bizshala.com is a leading financial news portal of Nepal run by SOS Media Pvt Ltd. It especially covers the economy, capital market, real estate, banks and financial institutions, merchant banks and various investment tools, insurance market, tourism, auto industry and other fresh and investigative news. Bizshala, which succeeded in becoming the country's leading economic news portal within a short period of its establishment, has the involvement of experienced and seasoned journalists in the financial field. We believe in investigative, factual and innovative news. We look at every news that the reader is interested in from an economic point of view.