Nabil Bank Limited
Nabil Bank Limited
Bizshala

एनआईसी एशिया क्यापिटलसँग पेरेजियम क्यापिटलको सहकार्य, नेपाली कम्पनीलाई के फाइदा हुन्छ ?

Global IME Bank Limited
एनआईसी एशिया क्यापिटलसँग पेरेजियम क्यापिटलको सहकार्य, नेपाली कम्पनीलाई के फाइदा हुन्छ ?
Nabil Bank Limited

काठमाण्डौ । एनआइसी एशिया क्यापिटल लिमिटेडले पेरिजियम क्यापिटल मौरिसससँग रणनीतिक साझेदारी गरेको छ ।  

कम्पनीले नेपाली व्यवसायी तथा उद्यमहरुको विकास र विस्तारको लागि पेरिजियम क्यापिटलसँग सहकार्य गरेको हो ।  

यो साझेदारीबाट नेपालको व्यापार तथा इको–सिस्टममा ठूलो कोसेढुङ्गा खडा गर्ने कम्पनीका प्रमुख संचालक अधिकृत (सीओओ) प्रज्ञरत्न शाक्यले विश्वास ब्यक्त गरेका छन् ।  

साथै उक्त साझेदारीले नेपाली कम्पनी तथा उद्योगहरुको नेपालको सीमानाबाहिर रहेका विदेशी स्टक एक्सचेञ्जहरुमा अन्तर्राष्ट्रिय सूचीकरण र विदेशी पुँजीमा पहुँच प्रदान गर्ने शाक्यले बताए ।  

यसका साथै नेपाली संस्थाहरुको लागि विदेशी दर्ताको प्रक्रियालाई प्रारम्भ र सहजीकरण गर्न एनआइसी एशिया क्यापिटलको भूमिका रहने उनले बताए । 

Sagarmatha Cement
Muktinath Bikas Bank Limited

उनका अनुसार क्यापिटलले मौरिसस र मेना रिजन(मिडल ईस्ट र नर्थ अफ्रिका)मा विदेशी पुँजीमा पहुँच प्रदान गर्न र नेपाली संस्थाहरुको लागि विदेशी दर्ताको प्रक्रियाका लागि सहजीकरण गर्नेछ ।  

यसका साथै उक्त साझेदारीले एनआईसी एशिया क्यापिटलले नेपाली कम्पनी, संस्था तथा उद्यमहरुलाई विश्वव्यापी मञ्चमा फस्टाउनका लागि आवश्यक स्रोतहरु प्रदान गर्न सहयोग गर्नेछ । साथै क्यापिटलले नेपालको व्यापारिक वातावरणको निरन्तर प्रगति र नवीनताका लागि प्रतिबद्धता समेत व्यक्त गरेको छ ।  

नेपाली व्यवसायका लागि वित्तीय सशक्तिकरण प्रवर्द्धन गर्न दुईपक्षबीच समझदारी भएको शाक्यले बताएका छन् ।  

क्यापिटलका अनुसार नेपालमा रहेका कम्पनी तथा संस्थाहरुले विदेशमा गएर कुनै अन्य कम्पनी दर्ता गर्न उक्त साझेदारीले सहजीकरण गर्नेछ ।  

एनआइसी एशिया क्यापिटलले के काम गर्छ ?  

एनआईसी एशिया क्यापिटल एनआईसी एशिया बैंकको सहायक कम्पनी हो । मर्चेण्ट बैकिङ्ग गतिविधिहरु सञ्चालन गर्नको लागि नेपाल धितोपत्र बोर्डबाट इजाजतपत्र पाएर क्यापिटल सञ्चालनमा आएको हो ।  

क्यापिटलले सेयर रजिष्ट्रार, इस्यु म्यानेजमेन्ट र अण्डरराईटिङ, डिपोजिटरी पार्टनर र पोर्टफोलियो व्यवस्थापन जस्ता कार्यहरु गर्दै आइरहेको छ । कम्पनीले नेपालको अग्रणी लगानी तथा मर्चेण्ट बैंक बन्ने उद्देश्य लिएको छ ।  

पेरिजियम क्यापिटलसँगको सहकार्य  अन्तर्गत क्यापिटलले नेपाली संस्था तथा कम्पनीहरुलाई वैदेशिक लगानी तथा पुँजी पहुँच प्रदान गर्नका लागि सहजीकरण गर्नेछ ।  

यसका साथै नेपाली व्यवसायी तथा कम्पनीहरुलाई मौरिसस र मेना रिजन (मिडल ईस्ट र नर्थ अफ्रिका)भित्रका देशहरुमा कम्पनी दर्ता तथा सेयर सूचीकरण गर्नका लागि समेत सहयोग गर्नेछ ।  

के हो पेरिजियम क्यापिटल ?  

पेरिजियम क्यापिटल लिमिटेड वित्तीय सेवा आयोगद्वारा इजाजतपत्र प्राप्त एक बुटीक कर्पोरेट वित्त कम्पनी तथा फर्म हो । यो कम्पनी मौरिससको पुँजी बजारमा एक प्रमुख खेलाडीको रुपमा परिचित छ ।  

साथै कम्पनीसँग पूर्ण सूचीकरण, लिगल एण्ड कम्प्लायन्स डिभिजन र एक कुशल कर्पोरेट सल्लाहकार डिभिजन समेत छ, जसले ग्राहकको इच्चाअनुसारको प्रोफेसनल सुझाव तथा सल्लाह दिनेछ ।  

पेरिजियम क्यापिटलले अफ्रिका र एसियाभरि प्रि–आईपीओ, पोस्ट आईपीओ, एम एण्ड ए कारोबार, पुँजी बृद्धि पहल, कर्पोरेट पुनर्संरचना र ब्रोकरिङ डिल जस्ता कारोबार गर्दै आइरहेको छ । कम्पनीको अफ्रिका लगायत एसियाभरी उत्कृष्ट नेटवर्क छ । 

Nepal Investment Mega Bank Limited

यो पनि हेर्नुहोस

Bizshala
Shikhar Insurance
CG Motors
IME remit
Mahalaxmi Development Bank
New Office

हाम्रो बारेमा

Bizshala.com is a leading financial news portal of Nepal run by SOS Media Pvt Ltd. It especially covers the economy, capital market, real estate, banks and financial institutions, merchant banks and various investment tools, insurance market, tourism, auto industry and other fresh and investigative news. Bizshala, which succeeded in becoming the country's leading economic news portal within a short period of its establishment, has the involvement of experienced and seasoned journalists in the financial field. We believe in investigative, factual and innovative news. We look at every news that the reader is interested in from an economic point of view.