(1).gif)
(2).gif)
(1).gif)
काठमाण्डौ । नेपाल पूँजीबजार लगानीकर्ता संघले आगामी आर्थिक वर्ष २०८१/८२ को मौद्रिक नीतिका लागि सुझाव पेश गरेको छ । नेपाल राष्ट्र बैंकको आह्वानमा संघले पूँजी बजारका विभिन्न विषय समेटर सुझाव पेश गरेको हो ।
आगामी आर्थिक वर्ष २०८१/८२ को मौद्रिक नीतिमा जुटिसकेको राष्ट्र बैंकले गत साता सरोकारवालहरुसँग सुझाव माग गरेको थियो । मौद्रिक नीतिमा समेट्नका लागि नेपाल पूँजीबजार लगानीकर्ता संघका तर्फबाट पनि ५ बुँदे सझाव पेश भएको सघंकी अध्यक्ष राधा पोखरेलले बताएकी छन् ।
संघले राष्ट्र बैंकलाई पेश गरेको सुझावहरुमा, हाल सेयर बजारमा लगाइएको क्याप हटाउनु पर्ने ,भारित औषत जोखिमभारलाई १२५ प्रतिशतबाट १०० मा झारिनु पर्ने , बैंक तथा वित्तिय संस्थालाई दोस्रो बजारमा सहज रुपमा कारोबार गर्ने व्यवस्था गर्नुपर्ने , सेयर धितोकर्जा ८० प्रतिशतसम्म पुर्याउनुपर्ने तथा सेयर कर्जामा लगाइएको हालको चर्को ब्याज घटाउनु पर्ने जस्ता माग रहेका छन् ।
यस्तै सुझावमा अघिल्लो मौद्रिक नीतिले बजारको विकासको लागि अपेक्षित सम्बोधन गर्न नसकेको र उद्यमी व्यवसायीको मनोबल उकास्न नसकेको भन्दै राष्ट्र बैंकले लचिलो मौद्रिक नीति ल्याउनुको विकल्प नरहेको उल्लेख गरिएको छ ।
.gif)
राष्ट्र बैंकका सहायक सूचना अधिकारी डा.भागवत आचार्यले यस वर्ष पनि गत वर्षजस्तै समयमा नै मौद्रिक नीति आउने बताउँछन् । आचार्य भन्छन् ‘सामान्यतया आर्थिक वर्ष सकिएपछि मौद्रिक नीति आउने हो । हामीले विभिन्न सरोकारवालाहरुबाट प्राप्त सुझावहरुकलाई एकीकृत गर्ने कार्य गर्दै छौं । आम सर्वसाधारणबाट पनि सुझाब आउने क्रम जारी छ । राष्ट्र बैंकले मुद्रा बजार र पूँजीबजार दुबैलाई सन्तुलित गर्ने गरि नीति ल्याउँछ । हाम्रो प्रयास साउनको पहिलो साता मौद्रिक नीति ल्याउने हो ।’
.jpg)
(207).jpg)
