Nabil Bank Limited
Nabil Bank Limited
Bizshala

भारतकै सस्तो इभी नेपालमाः खुल्यो बुकिङ, मूल्य रु. ३० लाखभन्दा कम

Global IME Bank Limited
भारतकै सस्तो इभी नेपालमाः खुल्यो बुकिङ, मूल्य रु. ३० लाखभन्दा कम
Nabil Bank Limited

काठमाण्डौ । भारतकै सबैभन्दा सस्तो विद्युतीय गाडीको रुपमा रहेको टाटाको टियागोको नेपालमा समेत बुकिङ खुलेको छ । 

नाडा अटो शोको पूर्वसन्ध्यामा टाटा कम्पनीबाट उत्पादित गाडीहरुको नेपालका लागि आधिकारिक बिक्रेता सिप्रदी ट्रेडिङले टियागो इभीको बुकिङ खुलाइएको जनाएको हो । 

भारतमा हालसम्मकै सबैभन्दा सस्तो विद्युतीय चारपांग्रे साधनको रुपमा रहेको टियागो इभीको नेपालमा मूल्य ३० लाख रुपैयाँभन्दा कम नै पर्ने दाबी गरिएको छ । 

सिप्रदी ट्रेडिङले नाडा अटो शोमा समेत राख्ने यो गाडीले ग्राहकहरुको ध्यान तान्ने विश्वास व्यक्त गरेको छ । 

नेपालका ग्राहकहरुले समेत धेरै प्रतिक्षा गरेको इभी हो, टियागो । सिप्रदी ट्रेडिङका एक अधिकारीले भने–‘नाडामा टियागोको इभीले तहल्का मच्चाउने हाम्रो विश्वास छ।’

तत्कालका लागि टियागो इभीका लङ र मिडियम गरी दुई भेरियन्ट नेपाली बजारमा आउनेछन् ।

टियागो इभीको लङ रेञ्ज भेरियन्टमा २४ किलोवाट आवर(युनिट) क्षमताको ब्याट्री उपलब्ध हुने कम्पनीले जनाएको छ। सो ब्याट्रीले एक पटकको फुल चार्जमा ३१५ किलोमिटरसम्म रेञ्ज दिने दाबी गरिएको छ। 

यसमा भएको ५५ किलोवाट मोटरले ७४ ब्रेक हर्सपावर (बीएचपी) र ११४ एनएम टर्क उत्पादन गर्छ। 

यस्तै, मिडियम रेञ्ज भेरियन्टमा १९.२ किलोवाट आवर (युनिट) क्षमताको ब्याट्री प्याक छ। उक्त ब्याट्रीले एक पटकको फुल चार्जमा २५० किलोमिटर रेञ्ज प्रदान गर्ने, यसमा जडित ४५ किलोवाट मोटरले ६० ब्रेक हर्सपावर र ११० एनएम टर्क उत्पादन गर्ने कम्पनीको दाबी छ। 

हाल टियागो इभी टिल ब्लु, डेटोना ग्रे, ट्रोपिकल मिस्ट, प्रिस्टिन ह्वाइट र मिडनाइट प्लम गरी ५ रङ्गमा उपलब्ध हुने कम्पनीका अधिकारीहरुको भनाई छ । 

यो गाडीको ब्याट्री फुल चार्ज गर्न सामान्य एसी चार्जरबाट ५ घन्टा र फास्ट चार्जरबाट एक घण्टा लाग्नेछ । यसमा ८ वर्ष वा १ लाख ६० हजार किलोमिटरसम्मको वारेन्टी पनि उपलब्ध हुनेछ ।

Sagarmatha Cement
Muktinath Bikas Bank Limited
Nepal Investment Mega Bank Limited
Bizshala
Shikhar Insurance
CG Motors
IME remit
Mahalaxmi Development Bank
New Office

हाम्रो बारेमा

Bizshala.com is a leading financial news portal of Nepal run by SOS Media Pvt Ltd. It especially covers the economy, capital market, real estate, banks and financial institutions, merchant banks and various investment tools, insurance market, tourism, auto industry and other fresh and investigative news. Bizshala, which succeeded in becoming the country's leading economic news portal within a short period of its establishment, has the involvement of experienced and seasoned journalists in the financial field. We believe in investigative, factual and innovative news. We look at every news that the reader is interested in from an economic point of view.