_New.gif)
.gif)
.jpg)
.png)
काठमाण्डौ । नेष्डो समृद्ध लघुवित्त वित्तीय संस्थाले दुई सदस्यको कर्जा मिनाहा तथा बीमा रकम भुक्तानी गरेको छ ।
संस्थाको रामपुर शाखा कार्यालयद्वारा गठित लिमिजुली व्यवसायिक केन्द्र नं. १८ र अमरापुरी शाखा कार्यालयद्वारा गठित शान्ति समृद्ध व्यवसायिक केन्द्र नं. १८ का सदस्यको कर्जा मिनाहा तथा बीमा रकम भुक्तानी गरिएको संस्थाले जनाएको छ ।
संस्थाका अनुसार मिलिजुली व्यवसायिक केन्द्रकी सदस्य तारा सार्की र शान्ति समृद्ध व्यवसायिक केन्द्रकी बाल कुमारी कंडेलको असामायिक निधन भएकाले निज सदस्यहरुको कर्जा मिनाहा गरी परिवारलाई क्रिया खर्च समेत प्रदान गरिएको छ ।
स्व.सदस्य तारा सार्कीले भैंसी पालनका लागि लिएको कर्जा ३ लाख रुपैयाँ मध्ये संस्थामा तिर्न बाँकी रहेको कर्जा १ लाख ७९ हजार २४३ रुपैयाँ मिनाहा गरिएको संस्थाले जनाएको छ ।
साथै निज सदस्यले संस्थामा तिरिसकेको १ लाख २० हजार ७५७ रुपैयाँ कर्जा, कृया खर्च बापत ३० हजार रुपैयाँ र स्वयं सदस्यले जम्मा गरेको बचत रकम ८२ हजार ९८९ रुपैयाँ गरी कुल २ लाख ३३ हजार ७४६ रुपैयाँ बराबरको चेक हकवाला तथा सदस्यको छोरा रामबहादुर सार्कीलाई हस्तान्तरण गरिएको रामपुर शाखा कार्यालय प्रमुख मञ्जु विकले बताईन् ।
साथै विकका अनुसार सोही केन्द्रकी अर्का सदस्य याम माया थापाको पनि निधन भएकाले निजको परिवारलाई किरिया खर्च तथा बचत रकम भुक्तानी गरिएको छ । निजले जम्मा गरेको बचत रकम सहित कृया खर्च सुविधा ३९ हजार ७०९ रुपैयाँ बराबरको चेक उनकी छोरी दुर्गा थापालाई हस्तान्तरण गरिएको छ ।
त्यस्तै, संस्थाले शान्ति समृद्ध व्यवसायिक केन्द्रकी सदस्य बाल कुमारी कंडेलको पनि कर्जा मिनाहा तथा बीमा रकम भुक्तानी गरेको छ । निज सदस्यको सवारी दुर्घटनामा परि मृत्यु भएको अमरापुरी शाखा प्रमुख बुद्ध बहादुर घिमिरेले बताए ।
स्व। सदस्य कंडेलले २०७९ चैत २० गते संस्थाबाट भैंसी पालनका लागि २ लाख ३० हजार रुपैयाँ कर्जा लिएकी थिइन् । जसमध्ये उनले ८३ हजार ३३१ रुपैयाँ कर्जा तिरिसकेकी थिइन् ।
साँवा र ब्याज गरी १ लाख ५१ हजार ३३९ रुपैयाँ तिर्न बाँकी रहेकोमा सो रकम मिनाहा गरेको शाखा प्रमुख घिमिरेले बताए । घिमिरेका अनुसार कंडेललाई कर्जाको बीमा योजना अन्तर्गत रहि बीमा वापतको रकम समेत भुक्तानी गरिएको छ ।
बीमा योजना अन्र्तगत कर्जाको दोब्बर रकम ४ लाख ६० हजार रुपैयाँ भुक्तानी हुनुपर्नेमा सोही रकमबाट तिर्नुपर्ने बाँकी कर्जा मिनाहा ९कटौती०गरी बाँकी बीमा वापतको रकम ३ लाख ८ हजार ६६१ रुपैयाँमा कृया खर्च बातप २३ हजार रुपैयाँ र बचत रकम ५९ हजार ३४६ रुपैयाँ गरी जम्मा ३ लाख ९१ हजार ७ रुपैयाँको चेक निज सदस्यको हकवाला श्रीमान सुर्य प्रसाद कंडेललाई हस्तान्तरण गरिएको छ ।
.png)
.gif)
