(1).gif)
(2).gif)
(1).gif)
.png)
काठमाण्डौ । तेह्रथुम पावर कम्पनी लिमिटेडको नाफा वृद्धि भएको छ । कम्पनीले सार्वजनिक गरेको चालु आवको दोस्रो त्रैमाससम्मको अपरिष्कृत वित्तीय विवरण अनुसार कम्पनीको खुद नाफा ८७५.७१ प्रतिशतले वृद्धि भएको हो ।
.gif)
कम्पनीले समीक्षा अवधिसम्म ६४ लाख ६२ हजार रुपैयाँ खुद नाफा आर्जन गरेको छ । अघिल्लो आवको सोहि अवधिसम्म कम्पनीको खुद नाफा ६ लाख ६२ हजार रुपैयाँमा सीमित थियो ।
त्यस्तै कम्पनीको सञ्चालन नाफा समेत वृद्धि भएको छ । कम्पनीको सञ्चालन नाफा १२.४९ प्रतिशतले बढ्दै ५ करोड ९४ लाख रुपैयाँ पुगको छ ।
कम्पनीले विद्यु्त बिक्रीबाट हुने आम्दानी समेत बढाएको छ । कम्पनीको विद्युत बिक्रीबाट हुने आम्दानी ८.८५ प्रतिशतले बढेको छ । अघिल्लो आवको समीक्षा अवधिसम्म ८ करोड २७ लाख रुपैयाँ विद्युत बिक्रीबाट कमाएको कम्पनीले ९ करोड १ लाख कमाउन सफल भएको छ ।
यद्यपी कम्पनीको रिजर्भ भने १३ करोड ८९ लाख रुपैयाँले ऋणात्मक देखिएको छ । कम्पनीले दिर्घकालिन ऋण दायित्व ९६ करोड ८१ लाख रुपैयाँ र अल्पकालिन ऋण १ करोड रुपैयाँ छ ।
यस अवधिसम्म कम्पनीको प्रशासनिक खर्चमा सामान्य वृद्धि भएको छ । अघिल्लो आवसम्म १८ लाख १८ हजार रुपैयाँ रहेको कम्पनीको प्रशासनिक खर्च बढेर १८ लाख ८२ हजार रुपैयाँ पुगेको छ ।
समीक्षा अवधिसम्म कम्पनीको वार्षिकीकृत प्रतिसेयर मूल्य(ईपीएस) ३.२३ रुपैयाँ र मूल्य आम्दानी अनुपात ६०३.९० रुपैयाँ कायम भएको छ ।
.png)
.jpg)
.jpg)
.gif)
